سلام الله عليكم ياهل المعنى سلام اجواد

سلام الله عليكم ياهل المعنى سلام اجواد=عدد وبل المزون اللي تناشت وانتثر ماها
انا الليله براسي علم وابغا شاعر ونقـّـاد=ليامنا سرينا سخـّـر الكلمه بمعناها

وعليكم السلام


صح لسانك واعتلى شانك


واعتبرني في صفك الليلة


متابع لك

خلف الروقي

تسلم ياقرم والله الله بالصفوف

بس وين الشعرا

هلا يالااجودي لكن تحراها في شهر اجماد @@ بعد قمنا عن اللي ساسها يرسي بمبناها
انا عندي لها دله وانا عندي لها بــــــــــــــراد @@ وبن مره يقص الجره اللي مثل ماطاها

الله الله
ابن الجزيره وابو محمد صحت السنتكم

مزون الصيف لو يلوح بارقها مع الرّعاد=ما لد العين فيها لو ابو محمد تمنـّـاها
اهل بابل عرب وإلا يورّالي من الاكراد=وهذي مشكله والناس صعب ٍ تدرك ارضاها

صح بدنك يالغالي خياك الله

النشمي

صح بدنك

والليل الليل يابومحمد

الليل الليل الله مبدعين


معكم متابع وصحت ألسنتكم



الله الله

خلف الروقي

متابعتك شرف لنا يالقرم

ليا منى تمنينا وصلنا غايـــــت المراد @@ ومزن الصيف مايروي ليا من جيت مضماها
الا ياللي تنشد بلغ اليا شفت لك نشاد@@ عريباني يبي يكحل عيونه سبت اعمـاها

صحت ابدانكم يالنشاما والليل يابن الجزيره

مع الخط الطويل اصبح بعير القوم دون قياد=والا يابلشت الجمّال في جماله وفي رغاها
الا يافكرتي يانكرتي فالهاجري وش عاد=بعد جمّع بيوته وابتلش فيها ودرباها

وصح لسانك يابومحمد

وتسلم يالقرم

ونكتفي بهذى القدر

ودمتم . .

السلام عليكم سامحونا البارح فصل النت وتقبلوا الرد ولاهنت يابن الجزيره :
مع خط الطويل اصبر قبل (ل)يصير قدح زناد @@ @ سبايب عثرت الطرقي عصاه اللي تعصاها
الا يافكرتي ياشكرتي فنجال دون اقــــــــناد @@@ ياليته عقب هذي بنته اللي جات ســــماها