08-Aug-2010, 05:10 PM
بعد التحية
قصيدة بمناسبة زواج الأخوان
عبدالهادي بن حريبان بن نوار العالي و عبدالرحمن بن حريبان بن نوار العالي
بالرياض بتاريخ 7 / 8 / 1431 هـ ... متمنياً من الموالى أن تنال إستحسان الجميع
ياهاجس الشعر في ذمتك ألي ديني = والدين لابد ينشد عنه ديانه
اليوم ماني مجنب لين توفيني = بيت المواقيف ماقفلت بيبانه
أفرح بدعوى الرفيق اللي يناديني = وشاركه فرحته والنفس طربانه
اللي ليامن دعيته مايخليني = حرٍ على السابقه يصفق بجنحانه
ماهوب من حطه الله بين قوسيني = اللي لو أصيح ماجاني وأنا وزانه
أبا بيوتٍ مع الطرقه تسريني = مسرى أذيابٍ لها يومنين طويانه
اللي تبا تكشب من هظب الدياحيني = والبدو كلٍ بمشعابه وفي ظانه
أن وازنوها تقر أبها الموازيني = ترجح بكفة موازنها وميزانه
أغلا من اللي يورد فالدكاكيني = الغالي اللي لايمكن ترخص أثمانه
أليا لبسته العجوز أم الثمانيني = حتى لونها ماهيب زانه تجي زانه
الشعر وهبه وأنا الوهاب معطيني = أقرع قوافيه وغني على أوزانه
بالشرد اللي مع الشعار تشقيني = اللي صدى صوتها صح الله ألسانه
ماهوب شعرٍ يغنيه المسيكيني = أبيوت ماتنكتب وأبيوت مليانه
وأبوي في ربعي الادنين موصيني = وأنا تجودت بوصاته على شانه
دايم على مكسب الطاله مظريني = عساه في رحمة المولى وغفرانه
ومن لا حما ماقفه بين الفريقيني = جعل الحنش يظرب أحنوكه بنيبانه
ويموت فقران لا دنيا ولا ديني = مواقف الناس ماهيب دان لادانه
شعرٍ مايرظي معازيبي مايرظيني = الله ولا الكلمة اللي مالها خانه
أن لعلعت والبلا وزن البليتيني = كبيتها لو علاها النفس حدمانه
أن كان قرح القصيده ماملا عيني = ماهيب فرضٍ عليَ أتمم أركانه
الله عن الهزل بالجزلات مغنيني = والناس كلٍ حسب عرفه وصفطانه
مدام خالي حريبان متوقيني = والله لجمل أخو محمد بضيفانه
وليا حصل مابغاه الله يخليني = للماقف اللي يشوق العين ميدانه
يامرحبا ياهلا عند الحرابيني = ترحيبةٍ عن أبوطلال وخوانه
باللي لفونا من البعد أمتعنيني = قدر وغلا وحترام وحب وميانه
على فقار القعود وحيل الظيني = ومعزبٍ عند ربعه مارخص شانه
عزيز واللي لفو حفله عزيزيني = والطيب قسمٍ لبوه ورث جدانه
وحنا العجالين مخلين المراحيني = كم من صبيٍ خذينا شول مرحانه
يومنها بالسواري وم روحيني = والملح الاشهب وبارود ودخانه
قصيدة بمناسبة زواج الأخوان
عبدالهادي بن حريبان بن نوار العالي و عبدالرحمن بن حريبان بن نوار العالي
بالرياض بتاريخ 7 / 8 / 1431 هـ ... متمنياً من الموالى أن تنال إستحسان الجميع
ياهاجس الشعر في ذمتك ألي ديني = والدين لابد ينشد عنه ديانه
اليوم ماني مجنب لين توفيني = بيت المواقيف ماقفلت بيبانه
أفرح بدعوى الرفيق اللي يناديني = وشاركه فرحته والنفس طربانه
اللي ليامن دعيته مايخليني = حرٍ على السابقه يصفق بجنحانه
ماهوب من حطه الله بين قوسيني = اللي لو أصيح ماجاني وأنا وزانه
أبا بيوتٍ مع الطرقه تسريني = مسرى أذيابٍ لها يومنين طويانه
اللي تبا تكشب من هظب الدياحيني = والبدو كلٍ بمشعابه وفي ظانه
أن وازنوها تقر أبها الموازيني = ترجح بكفة موازنها وميزانه
أغلا من اللي يورد فالدكاكيني = الغالي اللي لايمكن ترخص أثمانه
أليا لبسته العجوز أم الثمانيني = حتى لونها ماهيب زانه تجي زانه
الشعر وهبه وأنا الوهاب معطيني = أقرع قوافيه وغني على أوزانه
بالشرد اللي مع الشعار تشقيني = اللي صدى صوتها صح الله ألسانه
ماهوب شعرٍ يغنيه المسيكيني = أبيوت ماتنكتب وأبيوت مليانه
وأبوي في ربعي الادنين موصيني = وأنا تجودت بوصاته على شانه
دايم على مكسب الطاله مظريني = عساه في رحمة المولى وغفرانه
ومن لا حما ماقفه بين الفريقيني = جعل الحنش يظرب أحنوكه بنيبانه
ويموت فقران لا دنيا ولا ديني = مواقف الناس ماهيب دان لادانه
شعرٍ مايرظي معازيبي مايرظيني = الله ولا الكلمة اللي مالها خانه
أن لعلعت والبلا وزن البليتيني = كبيتها لو علاها النفس حدمانه
أن كان قرح القصيده ماملا عيني = ماهيب فرضٍ عليَ أتمم أركانه
الله عن الهزل بالجزلات مغنيني = والناس كلٍ حسب عرفه وصفطانه
مدام خالي حريبان متوقيني = والله لجمل أخو محمد بضيفانه
وليا حصل مابغاه الله يخليني = للماقف اللي يشوق العين ميدانه
يامرحبا ياهلا عند الحرابيني = ترحيبةٍ عن أبوطلال وخوانه
باللي لفونا من البعد أمتعنيني = قدر وغلا وحترام وحب وميانه
على فقار القعود وحيل الظيني = ومعزبٍ عند ربعه مارخص شانه
عزيز واللي لفو حفله عزيزيني = والطيب قسمٍ لبوه ورث جدانه
وحنا العجالين مخلين المراحيني = كم من صبيٍ خذينا شول مرحانه
يومنها بالسواري وم روحيني = والملح الاشهب وبارود ودخانه
