لطامة العايل ليا عال ممشاه الشاعر بدر القوس

ياراكب اللي تو حنا شريناه ** مقاضي الطرقه عليه انعباها

تلقى خوين مثل هاجد وشرواه ** وشباب لاجت حزتن ماوراها

نقوت عيالن طيبينن لهم جاه ** خويهم نفسه يدارا هواها

خويهم له خف الانفس مداراه ** حي الاسود اللي يذري ذراها

اليوم يقضي كالدقيقه قضيناه ** يقضي ليالن مانحس ابطاها

وليا هرج واحد بهرجه سمعناه ** سوالفن تعجب ويشفا علاها

ونسمح لمخطينا لياجات عوجاه ** اشوار طيبنا لها منعصاها

ننصا علاه فجوج نجد المسماه ** عبال نجد اللي نقين هواها

مع لابتن في منتهى المجد واعلاه ** مكثر مكارمها ومكثر عياها

لطامت العايل لياعال ممشاه ** ومع الوفي تافي ويذكر وفاها

تاريخها وسط الدواوين تقراه ** كلن على شرح المولف قراها

تبقى لياخر يوم تذكر ومحياه ** ومن يرغب الطالات دوم يهجاها

اسلومهم عن كل شين(ن)منقاه ** من خلقت الدنيا ليا منتهاها

القلب معهم دوم والعين مشقاه ** ويانعنبوا رجل(ن)دياره نساها

الحر لو يبعد يعود لمجناه ** والقلب ماينسا ديار(ن)رباها

وصلاة ربي عد نون نثر ماه ** واعداد ماهل المطر من سماها

على نبين منهج الحق ممشاه ** شفيع الامه يوم ضيق علاها

صح لساااااانه

تقبلوا خالص تحياتي
أخوكم

صح لسااااااااااااااااانه

الله لايهينك يالراقي وصح لسان ابو ذيب بدر القوس تقبل تحياأأأأأأأأأأأأأأأأأأأأأأأأأأتي

صح لسااان الشاعر / بدر القوس المرشدي ..


ولاهنت على النقل الرائع


تحيتي
..