من الشاعر اللي يرتكيلها
بن دريميح13-Dec-2005, 10:16 PM
المجال مفتوح لمن اراد...........
ابى شاعرٍ فالمعنى له بيع ومشترى = يحلّق بها عالي ولاينزل الثرى
ترىالليل ساري مابه الليل محترى = والايام دوّاره كفى الله شرّها
ياليل ياليل وين اللي يجيب المراد = يصد هذي وهذي ما تعدا لها
لاعسعس الليل نسنس من شمال البراد = يحذر من الريح لاترسل له اعيالها
صقر الطائف13-Dec-2005, 11:43 PM
سلام ردية من قبل ضغط الزناد= عداد ما لاحت بروق الوسم بخيالها
الليالي لها دوم لبوس جداد = كل عقدة لازم يجيك حلالها
النقشبندي13-Dec-2005, 11:55 PM
على اذنك ياصقر الطايف واستلم يابن دريميح
حضرنا وقلنا ويش نعمل بهاالرجال
.................خطيرن عليه يموت مايشرب الفنجال
اله جرتن عرجا ويشهدبها الموال
.......................والايام دواره عسى الله يكافيها
يابن دريميح ابااكلمك انا بانفراد
..................لن جات حمله كبيره كيف تشتالها
البرد والحرمايقتل يكود الجراد
................والمسرعه لن تعدت نعرف اعقالها
القاضي الأول14-Dec-2005, 01:21 AM
يــــــــابن دريـــــــــــميـــــــــــــــح
اســـمحــلي اســــمحــلي
بعد سرو الربع الي ردوعليك قبل شوي
بعد ما قريت الخط واعجبني الطاروق=لو انه عليه ملاحظه بس كلك ذوق
يجوز انك مع الوقت تفهم نظام السوق=والايـام دوّاره كفـى الله شرّهـا
يالليل يالليل قله جاك راع الشداد=قله ترا القاضي الأول تصدا لها
لاعسعس الليل نارك لا تعود رماد=بعد تهيضت بالشيله وموالها
فهيد مقعد الرويس14-Dec-2005, 01:33 AM
صحة السنتكم
مع اني مدري من يلاعب من
تحياتي
القاضي الأول14-Dec-2005, 02:03 AM
المبتدي
حياك الله
العلم ومافيه طال عمرك يجيك هالحين
بن دريميح طرح مساهمه هنيا قبل شوي لكنه قفل السوق بعد ما اكتتبت
وانت تأخرت عنه شوي ومثل ما قالو الاولين : ما في فايت(ن) نصيب
وبن دريميح ( درموووح ) ههههههههههههههه
يجي ليا من المقادير جت به
وسلاااااااامتك انت ومن يقرا .. ولا يهونون الا اميين
تحياااااااااااتي
خلف بن مرزوق14-Dec-2005, 02:07 AM
00
يالربع وشرايكم تخلونها رباعية ازين:)
بعدي والله يبن دريميح
ماسواها قدامك احد
علاااااااك بالثلاثة وازهل الصفوف عندي|1|
تحيااااااااتي
النقشبندي14-Dec-2005, 08:50 AM
انا افسح المجال امام القاضي الاول
واتمنى له رحله سعيده مع ابن دريميح
لكم تحيااتي جميعا
الايداء114-Dec-2005, 11:17 AM
,
ماشاءالله
عليكم يالشعار
تسابقون على أبن دريميح
الله يعينك يابن دريمح على الشعار
لكن.. أنت كفو عن ثلاثه .. شد حيلك وأنا وخلف بن مرزوق
في صفك ونبا نعلم الربع . أبو محمد والدلبحي وذيبان وأبو رمعه يمكن ماتعرفه ..
بن دريميح14-Dec-2005, 01:35 PM
أخوي صقر الطايف بما ان الموال ليس موجود حولتها الى القاضي لانه اتى بها كامله موال وشله
واخوي النقشندي سمح وفتح المجال للقاضي ..
واستلم لاهنت.............
ترى كل شاعر حاص حطوك فالمدفع = لاتحسب حروب القوم تمرٍ وبه تقدع
ترى نردع اللي صالب الراس مايردع = والايام دواره كفى الله شرها
راع الشداد معثور وجوه قومٍ شداد = وطاح من فوق ظهره فاكٍ احبالها
ناري لهيبه في ليلٍ غدى به سواد = ابعد من النار لاتقرب من اهوالها
بن دريميح14-Dec-2005, 01:39 PM
خلف مرزوق ماتاخذ بعضهم ههههههههههههه مشكور على المرور..
الايدا متابع ومشكور على المتابع
وانا ارسلت البيوت وانتظرت وماجاني احد ثم امسيت وقفلت الجهاز
القاضي الأول14-Dec-2005, 09:40 PM
بن دريميح
انت جيت اكيد ولا يورالي
هههههههههههه استلم استلم لا هنت
انا يا عميل الخير ماقول فيك اقصور=لكن فا المدافع فيه مدفع يجي ديكور
على هيكل المدفع مصمم لكن مايثور=والايـام دواره كفـى الله شـرهـا
اقول اطعني وفكر فالكلام الوكاد=يابن دريمح جا للخيل خيالها
والله مافكرت في نارآ حطبها عراد=محسب حساب اللهب نارآ هذا حالها
القاضي الأول14-Dec-2005, 09:45 PM
خلف بن مرزوق
يالله حيه يالله حيه
رباعيه رباعيه
على يدك
تحيااااااااااااتي
اخــوك : القاضي الأول
القاضي الأول14-Dec-2005, 09:49 PM
اخوي النقشبندي
الشكر كل الشكر لما تقدمة به
وكلنا مكملين لبعض طال عمرك
تحيااااااااااااتي
اخــوك : القاضي الأول
القاضي الأول14-Dec-2005, 09:54 PM
اخوي الايداء 1
يا مرحبا ويا مسهلا والله
وبن دريميح كنز ثمين
وكلآ وده يفوزبه طال عمرك
تحيااااااااااااتي
اخــوك : القاضي الأول
بن دريميح14-Dec-2005, 11:04 PM
تسلم يالقاضي : فانا اتشرف باللعب معك ياخوي........
صح لسانك وستلم........
ليا من رمينى به عرفته ياذا القاضي = تشوف المدافع ترمي نيران وشواضي
ومن بعدها تعرف هروجك على الفاضي = والايام دواره كفى الله شرها
الصدق ينطق رضيعٍ لف جوف المهاد = يومن فرعون طاغي مصر ورجالها
وش عاد لو قال انا رب الملا ويّش عاد = ماتحمل النفس وزر الغير بعمالها
القاضي الأول15-Dec-2005, 12:46 AM
الله يسلمك يا بن دريميح
استلم لا هنت
من المستحيل يثور لو طالت المده=ولو نفترض ثور تبا تجيك مرتده
هذا ما يمجل صاحبه ساعة الشده=والايــام دواره كـفـى الله شـرهـا
الصدق يا بن دريميح احتزم للهجاد=ليلتك ليلتك فال الله ولا فالها
يالي تعاند شوي يبين غدر العناد=في لليلة دلتك مشروب فنجالها
بن دريميح15-Dec-2005, 01:28 PM
خلووووها..............
تقوله وانته جاك ماجاك من حره = وكم واحدٍ ياخوك مره ولا ضره؟
هذاه أحتزم به يوم لا من عدى شره = والايام دواره كفى الله شرها
لامن سرى الليل زهبت السيوف الحداد = يومن بعض العرب ماينفع ادوالها
ترى الجراده وحيده ماتقش الحصاد = ترى ضعيف الخلايق دوبها حالها
الشمالي الغربي15-Dec-2005, 06:02 PM
ابن دريميح
القاضي الاول
صحة السنتكم
لاهنت والله يالقاضي الاول اثرك مصيبة المصايب
بيض الله وجهك ولايهون بن دريميح
تحيااااااااااااتي
بن دريميح16-Dec-2005, 03:47 PM
لاهنت يالشاعر الشمالي
وصح بدنك.......
