وقفه للابداع مع الشاعرين مطلق الثبيتي ومحمد ابن جرشان البقمي

بسم الله الرحمن الرحيم

السلام عليكم ورحمة الله وبركاته:-



محاورة من محاورات المغترة بين الشاعرين مطلق الثبيتي

والشاعر محمد ابن جرشان البقمي .



مطلق :-

لي رفيق أنشد عنه كل الطراقي مالقيته
فيه خير وفيه شر وفيه صدق وفيه باره

ليت ابن جرشان صك عن الهبوب اليوم بيته
قبل لاتدخل عليه ويعمي عيونه غباره


ابن جرشان:-

انت تنشد عنه لا شفته ولا قفى نسيته
والحقيقه فيك صدق وفيك كذب ورسم اماره

والزمان اللي تقوله مبتليني ما ابتليته
واللسان اللي ضري بالحلو ماذاق المراره

مطلق :-

والله انك صاحبي لكن حبك ما بغيته
ما يحبك غير واحد شيخ سوق وشيخ حاره

والونيت اللي وصل بك مختلط ميه وزيته
سرع ما هشمت لك حوضه وهشمت الغماره

ابن جرشان :-

لو جلب حبك عليه والثمن غالي شريته
كيف نكره واحد صوته سمعته فالمناره

والونيت اللي تقوله مع حلالي ماقنيته
مار ذا طبعك تبا صك الحجاره بالحجاره

مطلق :-

ان لقيت الليل مظلم يامحمد ماسريته
لين اشوف الزند فالصوان يقدح لي شراره

وانت يالعجلان من عجلتك عمك ما احتريته
لين زل ابك القدم وامسيت سبع في مغاره

ابن جرشان :-

تحكم الايام طيع الامر مثلي ماعصيته
لاتقوم تدلع الثعبان من وسط الخباره

يالثبيتي كل من مرك مع الضيحه رميته
صرت مثل اللي مع اللي يمدحه يعمل شطاره

مطلق :-

لو حضن يصبح سوات الخبت والله مابكيته
مار بالله لايزيد الضغط وتزيد الحراره

كل ماجينا نمد الحبل بيدينك لويته
كن كبدك ياكبير الراس مافيها مراره

ابن جرشان :-

انت لو نعطيك ذاك الضلع في نارك شويته
مار لاتجعل حضن للبندق ام زناد شاره



وسلاااامتكم


واسمحوا لي كان حدث خطأ في كتابتي ونقلي لهذه

المحاوره فالانسان معرض للخطأ دائما


تقبلوا تحياااااتي

....
.

مشكور والله يعطيك العافيه على حسن اختيارك...

الله يعطيك العافية

ما قصرت يالغالي

تحيااااااااااتي

يعطيكم العافيه اخواني مرزوق والفراهيدي لمروركم الكريم

تقبلوا تحياااتي