13-May-2006, 05:58 PM
يازين وجه الشمس في لبة الدوح=والنور توه طلعت الصبح بادي
مع رفقــةٍ من بينهم ضحـك ومزوح=ووقت الوكاد يصيـر فعلاً وكادي
في روضةٍ ما طبها نوع سلتوح=أهـــل الخراب مسببين الفـسادي
نــاسٍ على ما قـيل ما عاد به روح=على الردى تمشي دروب النقادي
بأرضٍ سقاها السيل يا (هلال) وتفوح=بريح الخزامى والنفل والعرادي
أرضٍ خلا يرتع بها الفكـر ويــروح=مــد النظر ما رده الجــدر غادي
يوم المدن صارت معاناة وشحـوح=ضاقت بنا ماعاد تقض المرادي
المــد زاد ولا بقـى فيـــه مصـلوح=والارض شحت من كثير العبادي
كل المساحه تمتلي بيوت وسطوح=وصاب الاوادم بالحضاره جمادي
الجار يسكن داره سنين ويروح=ما زار جار البيت قــولٍ وكادي
والى طرقت الباب ما هوب مفتوح=ردة (مره) وش فيك ياخــي تنــادي
تقول وقــت فلان ماهوب مسموح=مشغــول بالتلفـاز مــع كل شـادي
دنيا إمتلت يا (هلال) بإزعاج وجروح=وسيف الخطايا فـاتــكٍ بالمبــادي
وحق الذي قـــد حــدد العمر باللوح=متغيرات الوقت تخلف رشـادي
أول وكلٍ كــان بالطـــــيب ممدوح=ومن لا فعل ما شاف غير النقادي
النجر دنــه بــأول الصبح طحطوح=حــرٍ بدا ما اغـراه حلو الرقادي
واليوم كلٍ حــط فالــــدرب سـاموح=وخلا الرفيعه واصبح الأمر عادي
عادي وصار الراس بالسمن ممسوح=والبيت عقب النار جابـــه رمادي
مع رفقــةٍ من بينهم ضحـك ومزوح=ووقت الوكاد يصيـر فعلاً وكادي
في روضةٍ ما طبها نوع سلتوح=أهـــل الخراب مسببين الفـسادي
نــاسٍ على ما قـيل ما عاد به روح=على الردى تمشي دروب النقادي
بأرضٍ سقاها السيل يا (هلال) وتفوح=بريح الخزامى والنفل والعرادي
أرضٍ خلا يرتع بها الفكـر ويــروح=مــد النظر ما رده الجــدر غادي
يوم المدن صارت معاناة وشحـوح=ضاقت بنا ماعاد تقض المرادي
المــد زاد ولا بقـى فيـــه مصـلوح=والارض شحت من كثير العبادي
كل المساحه تمتلي بيوت وسطوح=وصاب الاوادم بالحضاره جمادي
الجار يسكن داره سنين ويروح=ما زار جار البيت قــولٍ وكادي
والى طرقت الباب ما هوب مفتوح=ردة (مره) وش فيك ياخــي تنــادي
تقول وقــت فلان ماهوب مسموح=مشغــول بالتلفـاز مــع كل شـادي
دنيا إمتلت يا (هلال) بإزعاج وجروح=وسيف الخطايا فـاتــكٍ بالمبــادي
وحق الذي قـــد حــدد العمر باللوح=متغيرات الوقت تخلف رشـادي
أول وكلٍ كــان بالطـــــيب ممدوح=ومن لا فعل ما شاف غير النقادي
النجر دنــه بــأول الصبح طحطوح=حــرٍ بدا ما اغـراه حلو الرقادي
واليوم كلٍ حــط فالــــدرب سـاموح=وخلا الرفيعه واصبح الأمر عادي
عادي وصار الراس بالسمن ممسوح=والبيت عقب النار جابـــه رمادي
