قصيدة رائعة لشاعر الحكمة رشيد الزلامي

إخواني الكرام مشاركتي عبارة عن قصيدة لشاعر الحكمة الشاعر رشيد الزلامي
وأرجوا أن تنال إعجابكم .

الوقـت يامقـسـى عـنـاه وعـذابـه "
" حطـاب ليـل ولـه معاويـن وفــزوع

احـد (ن) منـه يمكـن يعالـج صوابـه "
" واحد (ن) يموت بعلتـه مـوت جربـوع

يـروح مثـل مقـاط محـد (ن) درابـه "
" لاحبـل يرقـى ولاصــوت مسـمـوع

بغـى يجيـب رشـاه ورشـاه جـابـه "
" من عالي الشفـه علـى ضربـه الكـوع

هـذاه مقـاط اللـى ارشـاه التـوابـه "
" واصبح مثل للناس فـي كـل موضـوع

قصـه مـقـاط وقصـتـى ماتشـابـه "
" اسباب وقـت وكـل قصـه لهـا نـوع

مقـاط صفـى فـي زمـانـه حسـابـه "
" وانا بلشت في وقـت طامـع ومطمـوع

كـم واحـد (ن) وقـت اللـزوم تهقابـه "
" واليـا نصيتـه غيـر الطبـع بطـبـوع

والصاحب اللـى صحبتـه ضحـك نابـه "
" يبينى ابقى لـه علـى الـدوم مـزروع

ان شـاف وجهـي قــال يامرحبـابـه "
" وان غبت ينسانى علـى راس الاسبـوع

واليـا نسانـى منهـو حظـره جنـابـه "
" انسـاه واجعـل دونـه الخـط مقطـوع

وعيـب (ن) عليـه كـان طقيـت بابـه "
" لونى امسـي بالخـلا ميـت (ن) جـوع

مـن خلقـه الدنيـا تـجـوع الذيـابـه "
" بس المهـم تعيـش والـراس مرفـوع

وتكسـب بعـز النفـس قـدر ورحابـه "
" وتمشى على خط (ن) سليم (ن) ومشروع

ابوعاصم

تشكر على النقل المميز للشاعر المميز

تشكر اخوي على هذا النقل المميز .

لاهنت


يعطيك العافيه




تحياااااااااااااااااااااااااااااااااتي