الخيانة .....

هذه القصيدة اتمنى ان تحوز على رضاكم ....

جتني تقول اليوم يا فلان مابيك
ما عاد لك بالقلب مثقال ذرّه
حبّيت غيرك وانت وش عاد لي فيك
دوّر على غيري حبيبٍ تبرّه
قلت إرحلي ياللي تبعين شاريك
أقولها يا بنت مليون مرّه
مادام خنتي عهد من كان مغليك
عارٍ عليّ القلب يمّك أجرّه
والله مرمي عزَّتي بين اياديك
ولاذِل نفسي دامها النفس حرّه
ولا اطرد سرابك لوّه القلب ضاميك
ولو هو حداني الوقت برده وحرّه
وان عاد شفت القلب يتبع حراويك
دفنت قلبي حي واخفيت سرّه
هذي جزاتي، روحي الله يجازيك
يالخاينة بالحزن عقب المسرّه
روحي عسى سود الليالي تورَّيك
طعم المراره والألم والمضرّه
ويا عل مايطري على القلب طاريك
ولا شوف لك فالأرض جرّه

محمد بن دخيل العتيبي

سلمت ولا هنت على هالقصيده الرائعه والجميله

وصح لسان قايلها ومن جلبها لمنتدى الهيلاااا

مع تحيات :- مطلق الشيباني .................

جري العتيبي الله يعطيك العافيه.

وصح لسات قايلها

وارجو التكرم بأعادة كتابة البيت الاخير.

الله يكفينا شر الخيانه

صح الله لسان شاعرها،،



وسلّم يمين جالبها،،



لك التحايا،،

مطلق الشيباني - ابن جدعــان - متعب العضياني - ابن شامان

الف شكر للابناء العم وهذا والله من طيب اصلكم

صح لسان شاعرها


سلمت على القصيدة ولاهنت اخوي جري العتيبي



تحياتي
ابو وعيل الرويس

تسلم اخوي جري على الاختيار الرااااائع

وصح لسان قايلها

اخوك/الطرقي

وصح لسان قايلها