خالد الكســــر

البارحه بالليل نومي نوايش=ماذقت حلو النوم نومي عراميش
عده يجزيني عن النوم هايش=بالقلب مثل انياب عكف نواهيش
عرضتني ياقلب كثر البلايش= وان قلت لك ماتستحي قلت لي ويش
غاليك من دونه ديارٍ وحايش= بس العلوم ودونهم يتعب الجيش
ياقلب ماضنك بمثله بحايش=لودجت بين مجدلات العكاريش
زملوقةٍ عقب المزون الروايش=غضه وعقب السيل جاها رشاريش
ياعود موز في ضلال العرايش= من طلعته ماعيج عوده ولانيش
خده لذيع اتريك بين الدرايش=اوكهرب القنديل علق به الفيش
عين الشبيك اللي من الصيد عايش=لطير الحباري مخلبه يثعل الريش



هذه القصيده حسب ماسمعتها والله اعلم

تحيااتي

تسلم بس حدثنا عن قصته ما نعرفها

صح لساان الشاعر
وسلمت يمنااك اخوي بدر المرشدي

تسلم وصح لسان خالد الكسر رحمه الله
والكسرمن اشهر شعراء القبيله
وياليت تحدثنا عنه وتكتب لنا الكثير من شعره

الله يرحم شاعر قبيلة هوازن خالد الكسر ويعطيك العافيه يابدر ونبي المزيد من
روايع الراحل خالد الكسر





تحياتي الصميدع

مشكور يا بدر على ها القصيده الجميله للكسر ولدي سؤال لو سمحت هل يوجد للكسر ديوان مطبوع والله يعطيك العافيه

اخوك \ ابن فرحان

هلاا والله بالجميع


الحقيقه انا ياواحد ولاهوب مدح في نفسي انا احفظ اغلب قصائد خالد بن عقاب الكسر الله يرحمه


ولاكن بعض الاخوان اللي يطلبون مني بعض الايضاح عنه انا اعتذر والسبب

حدث بعض المشاكل الخاصه بيني وبين احد اقارب خالد يقول انك تحفظ قصائد خالد وتنشرها وحنا نبي نطرح له ديوان ولاكن مع الاسف ماشفنا لاديوان ولا هم يحزنون

واعتقد ان كل ماذكرت لايخفى على اخي وصديق عمري الشاعر عبدالعزيز عبدالله المرشدي

وبأذن الله سوف اطرح بعض من قصائده عن قريب

شكراا يابدر


ولاهنت وجهد تشكر عليه

مشكور يااخ بدر ونحن في انتظار ماستطرحه من قصائد خالد الكسر
وعساك على القوه دايم يابن العم

شكرا يابن العم ولاتنسانا من قصايد خالد الكسر الله يرحمة
وتسلم على القصيدة
واذا ممكن قصيدتة اللي يقول فيها اذا ماخانتني الذاكرة:
عليكم ابليس العود يرقص يدق اصباع

بيض الله وجهك يابدر


ومشكور مشكور على ها الاختيار


والله يرحم خالد الكسر


وانا اظم صوتي لصوت الاخوان في طلب المزيد من قصايد خالد الله يرحمه

سلمت يداك يابدر المرشدي


والله يرحمه كان من أكبر شعراء القبيله


بالنسبه للاخ اللذي طلب القصيده واللتي بها هذا البيت

عليكم ابليس العود يرقص يدق اصباع

فهذه القصيده في الكويتي اللي سب السعوديين يوم يقول

من النير للدمام يشتب كله نار وطبعا يستاهل ماجاه من الكسر

فرد الكسر اعاقه عن الرد في السعوديه مره اخرى :)


على العموم القصيده طويله جدا جدا لكن اذا كان لدي وقت سأحاول ان

اكتبها لكم

والسلام