من روائع الشعر

قصيدة الشاعر الكبير : صقر النصافي

ياعلي خل العيد لأم الدناديش=اللي تنظف كل يوم (ن)جسدها
تبغي تماري ناقضات العكاريش=في كل ملفاح(ن) تنقض جعدها
العيد عيد الله لو فات حتيش=من حبسة ايام(ن) يمرك عددها
نبي نعلمك المساري على الجيش=تمشي ذلولك لين يفتر جهدها
خابرك ما انت ضاري للمطاريش=نبيك تونس حلوها من نكدها
ليله على مسرى وليله مغابيش=وليله نخلي نومها لمن رقدها
وليله على تمره وليله على عيش=وليله نوكلك الشحم صيد يدها
يا علي لا جيت العرب لا تجي ديش=خبل(ن) ليا جاب السوالف سردها
احفظ لسانك لا يجي فيه تبطيش=تصبح عيونك كايدات(ن) رمدها
يجيك من ينشدك نشدة تفتيش=يبي يسنع هرجة(ن) يعتمدها
خله يقوم مفلت في يده ريش=يروح منك وحاجته ما وجدها
ترى دعا بيك الخبول الغوانيش=تبدي بما فيها ولا أحد(ن) نشدها
يجيك واحدهم يورش توريش=عجاجته يسبق مطرها رعدها
والا لغمقات السوالف مناقيش=قراية الكلمه على اول عددها
تجي سوالفهم بضحك وتبهيش=وقلوبهم ما احد يفكك عقدها

قصيدة رائعة يوجد بها كثيراً من النصائح العظيمة , وصقر النصافي غني عن التعريف , وقصائدة في قمة القصائد.


تشكر على هذة المشاركة يالامير.

اشكرك على مرورك

مشكور يا الامير .. على هذه القصيدة الجميله ..

الله يعطيك العافيه ..

جزاك الله خير على ردك الجميل

نسقتها لتزداد روعتاً وجمالاً
مشكور على هذه القصيدة يا الامير.. وصح لسان قائلها

قصيدة رااائعه

صح لسان قايلها

تحياتي

الامير

ماقصروالله لايهينك

قصيدة رائعة

وصح لسان قائلها

لا هنتم يا الربع على هذا المرور الطيب