هل الوزن الثقيل !!
سلمان الروقي29-Dec-2007, 09:16 PM
الليله الليله نبيها مع هل الوزن الثقيل=والثقل فالفكره ومعناها من اللي يرسمه
وليا لقينا نايف الروقي..مانبغا له بديل=راع الحصان اللي عنانه في يدينه محكمه
نايف بن ملحق الثعلي29-Dec-2007, 09:22 PM
الليل توه ماسرى ياصاحبي ليلك طويل=هات العلوم اللي معك والعلم حنا نفهمه
انا عميل الطيبين اهل الوفا واطيب عميل=مار انت مدري عنك تبني البيت ولا تهدمه
معجب العتيبي29-Dec-2007, 09:30 PM
سلمان الروقي بدايه رااااااائعه
ورد وافي من نايف الروقي
ابداع روقي واضح وانا بمسك الصفين.......
الليل الليل
عيد العازمي29-Dec-2007, 09:32 PM
سلمان الروقي بدايه رااااااائعه
ورد وافي من نايف الروقي
متاااااااااااااابع لكم وبالتوفيق
نايف بن ملحق الثعلي29-Dec-2007, 09:34 PM
سارح البال والعازمي حياكم
الابداع وجودكم
زيزوم مدركه29-Dec-2007, 09:35 PM
بيض الله جيهكم
ياسلمان وانت يانايف
ظلع ظلم29-Dec-2007, 09:37 PM
صحت السنتكم يانايف وياسلمان
الشهاااده لله انتم مبدعين
ذيب وايل29-Dec-2007, 09:38 PM
ياسلام ..
واصلوا .. وحنا من المتابعين لكم
سلمان الروقي29-Dec-2007, 09:45 PM
وحده ورى وحده ترى ثنتين ..والله الوكيل=والثالثه فالغيب مانعلم بها ذي مبهمه
الناس تنظر فالبروق وسيلها عيا يسيل=ترى خيال الصيف متساوي وجوده وعدمه
سلمان الروقي29-Dec-2007, 09:47 PM
سارح البال..العازمي..زيزوم مدركه .ظلع ظلم ..ذيب وايل
مروركم هو الابداع بحد ذاته ..شاكر لكم المرور الطيب
تحياتي
نايف بن ملحق الثعلي29-Dec-2007, 09:53 PM
ترى الدليله في المساري مايدورله دليل=مار البلا اللي مع هل الطالات ما سج اقدمه
مالك ومال البارق اللي لا خيال ولاحصيل=لا تظلم اللي واقفن في واجبه لاتظلمه
علي فلاح العضياني29-Dec-2007, 10:12 PM
الله الله
صح لسانك ياسلمان الروقي وصح لسان نايف الروقي
والصف صفك يا سلمان واللللليل
سلمان الروقي29-Dec-2007, 10:14 PM
حنا ترى ياصاحبي فالمعركه فرسان خيل=واليا وقفنا فاللوازم ماتضيع اللازمه
وان راحت الدعوى على ماقيل هات وحط شيل=اللي معه حجه يقدم حجته فالمحكمه
سلمان الروقي29-Dec-2007, 10:16 PM
الفالح لاهنت ياخوي على المرور الاكثر من الرائع
دامك في الصف أبشر بسعدك
نايف بن ملحق الثعلي29-Dec-2007, 10:26 PM
ما ذمكم يا ربعنا ياللي تشيلون الثقيل=لكن بعض الناس لاينشب لسانه في فمه
ياهل السلوم الغاليه ياللي تعزون الدخيل=راع العلم لو طالت الايام ما طاح اعلمه
سلمان الروقي29-Dec-2007, 10:55 PM
اثرك يابوزيد تقدرفالقصير والطويل=لو تلزم الرجال قلت اكل عظامه ولحمه
ترى الحراميه ماخلت لاكثير ولا قليل=والبيرق اللي معك في يمناك خلك لازمه
نايف بن ملحق الثعلي29-Dec-2007, 11:05 PM
اصبر على جور الدهر واشتال حملك يا شعيل=واللي عطاه الله يارجال محدن يحرمه
ترى الهروج العوج يارجال ما تشفي الغليل=والفارس الرعديد يارجال ينسى محزمه
سلمان الروقي29-Dec-2007, 11:36 PM
ياويل حالك من غرابيل الزمان اللي يهيل=اشوف أبو عرام يادوب يتحرك برطمه
ياصحبي ترا سوالفنا ماغير امزوح لليل=مار انت دمك ياصحيبي صاير(ن)دم حلمه
نايف بن ملحق الثعلي29-Dec-2007, 11:50 PM
انا احسبنك لو يطول الوقت لايمكن تميل=والعلم واحد مار بعض الناس عيا يفهمه
احسب حسابك مانبا منك الكلام المستحيل=ياصاحبي حنا ترانا مانعرف النمنمه
سلمان الروقي29-Dec-2007, 11:55 PM
نايف الروقي صح لسانك يامبدع
وتصبح على الف خير
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
