على طبق من ذهب !!!

سلام تسليمةٍ على طبق من ذهب=أغلى تحيّه على اللي يستحقونها
حنّا عرب ما نجنب عن سلوم العرب =لو تخلف الناس مذهبها وقانونها

الله الله

ايه كذا افضل

يامرحبا رحب يرقى في علو الرتب=والهقوه الطيبه ماصار من دونها
انتم عرب والعرب فيها الكرم والادب=واهل الكرم والادب ماشان بانونها

الله الله يالفالح ..
كان الرررد في طور الأنشاء ..
لكن العوض في غيرهاا ..
صح لسانك ..



وصح لسانك الليث ..


..

الفالح صح لسانك

الليث المبتسم صح لسانك

ارحبوا ارحبوا جميع

دام البقا وانته من ايّا ...يا راع اللقب=حتى قبيلتك خلق الله يعرفونها
الله يعز الرجال اللي تسد الطلب=اقولها والعرب غيري يقولونها

الفااااااااااااالح صح الساااااااانك

الليث المبتسم صح السااااانك

اصلي وفصلي حلاحيلٍ تفك النشب=عتيبه اللي جموع القوم يثنونها
اللي كتب وش كتب واللي قرى ماكتب=والناس يمك تلد وتنظر عيونها!

الليل الليل


الفالح وابداع غير مستغرب وطاروق سلس يستحق الرد والمتابعه

والليث ورد رااااااااائع

متابع

لا زم توضّح لي اكثر يا عريب النسب=كلمه ينومسك معناها و مضمونها
اكرب حزامك وسلّ السيف يا بو عتب=قدّامك اهل السيوف اللي يحدونها

ان كان معناك ويش اسمك ياشاعر (وأجب)؟=فالله يعوض اللحون اللي تغنونها
اليا كربنا المحازم بان فيك العجب=انته وناس تغرك ضحكت سنونها

هذي هي اهمّ حاجه يا سريع الغضب=نفسك ورى في دقيقه باح مكنونها
ضحكت من كلمتك وان ما عرفت السبب؟؟ =طرت لي اللي تدف الضلع بقرونها

صحت السنتكم ياشعار

ابداااع واصلواااا

والليل ياشعار

وانا في صف الفالح

ازعل ليا شفت لي جاهل يغني طرب =ويقول انا شوق ليلى اللي يقولونها!!
وانته ليا زادت الشعله وزاد الحطب=تطري علي الفراشه مااختلف لونها

نرجع لموضوعنا برضاك ولاّ غصب=ظنّو بك الناس ظنّ وخابت ظنونها
تبّت يدينك ثلاث مرار يابو لهب=ما تنظف ايديك بالليفه وصابونها

والله ماتدري شهر شعبان ويش ورجب=حمامةٍ تجذب الصياد بلحونها
مليون هبوه ولاتكفي ليا قلت اهب=وش لون تنظف يدٍ لحيتك عربونها

اصبحنا واصبح الملك لله وغدا نواصل اخي الفالح

ههههههههههههههه اجل فيه مواصل؟

ماخليتوا شي

صحة السنكم

من يخفي اصله نعدّه من حساب الصلب=واليوم شونك تراه اصبح مثل شونها
يدك القصيره ما تاصل لحيتي والشنب=في وسط مخباك تظهرها وتوزونها

تصبح على خير


وتشرفت باللعب معك ولنا لقاء آخر باذن الله تعالي

تحياتي لك

ياسلام سلم


إبداع غير مستغرب


صح ألسنتكم جميع

صح السان الشاعرين ولاهانوا المتابعين

صحت اللسنتكم