خلوووووها

سلام تسليمه لها فالبلد نور=نسري بها فالليل الأسود ليا طاح
بغيت الي شاعر مهندس ودكتور=وليا زهمته جاني وجاب الارباح

صح الســـــــــــانك

الأخ القوبعي
صح بدنك

صح لسانك يا شاعرنا

ماني شاعر والا والله ما نكره نتحاور معاك

والمحاوره وياك نوماس

من شاعرٍ ثابت ومن ربع مستور= خليفته لا قيل مستورنا راح

الليل نسري فوق حرة وباكور=والشعر دوله بين جيّه و مرواح

النوماس وجودك ياولد العم
وصح الله بدنك..

النا الشرف باللي لهم علم مذكور=هذاك ابو تركي للأخصام نطاح
خلك بظل الغصن والبيت معمور=وقطف من الأثمار مشمش وتفاح

ما يرتكي للحمل عايب ومجبور= والعلم ما يحتاج دارس وشرّاح

تضحك ودمع العين فالعين محجور= والقلب من غبنٍ على القلب فوّاح

يصاحبي مايدفع الدين معسور=الا رجل فيدينه المال سباح
ياكثر مافي الناس من عمياً وعور=قلبي نظيف وقلبك اللي به اجراح

لا شك منته من هلا الطيب مشهور=يا اللي تدوّج بين مكة والأسياح

قفى زمن مطلق وصياف بالدور=وأقبل زمان العولمة والتفتّاح

مشكور ياللي تطلب الشر مشكور=المسلمين اهل العفو وأهل الأصلاح
الضلع فيه اسباع وذياب ونمور=خايف يجيك الموت من نمر ذباح

دام البلا والشر بالخير مدحور= صل الصلاة الفرض وارتاح وارتاح

يا اللي رقيت الضلع فالضلع سابور=الذيب ما بدّل بصوته ولا صاح

أخوي أبو بندر

طاروق ممتع

وشاعر جزل (ما فيك حيلة)

أرجوا

أن تسمح لي إلى هذا الحد

كما تعرف ورانا فجر وداوم بدري

أشكرك على اتاحة الفرصة لي

مودتي

الحلحلي

شكرا لك وصح لسانك
وما فيك حيله
تصبح على خير