خلوووووووها

الليله اشتقت للهيلا وشعارها=سلام تسليم يرفع فوق راس العلم
اصحابنا ودنا ننشد عن اخبارها=ونشاهد الطيبه تكتب بخط القلم

الله يابوبندر

بدآيه رآئعه من شآعر رائـع

لاهنت وصح لسانك ولسان قبيلك

محبك
,

في منتدى الهيلا الي تشرق انوارها = يامرحبا في محل ٍ زان فيه الملٌم
اخبارنا ينقلون البث في اقمارها = وافعالنا نحمد الله صدق ماهي حلم

صح لسانك أبو بندر بداية شاعر متمكن

صح لسانك عبد الله الزراقي رد شاعر مبدع

واصلو تميزكم المعهود لاهنتم

صح لسانك يا ابو بندر

بقيت يا شاعر القلطة وبيطارها=ياشاعر سلم القالات ولها استلم
اخيل برق مزونه هلت امطاره=وللي على درب سيله ماسلم ماسلم

الاخ عبد الله الجذع صح بدنك وشكرا لك

الاخ مدقق القوافي صح بدنك وشكرا لمرورك

الشيخ عبد الله الجريسي
صح الله بدنك
تواجدك شرف لنا
ودافع قوي للهيلا وشعرائها كثر الله من امثالك
وبيض الله وجهك

صحةالالسن وفالكم البيرق

انتم رجال الشجاعه وانتم انصارها = يقولها شاعر ٍ في كلمته ماظلم
عسى مزون المخيله تسقي اشجارها = تسقي عروق النخل ولا عروق السَلم

عبدالله الجذع

صح بدنك شرفت ونورت لاهنت

مدقق القوافي

صح بدنك شرفت ونورت لاهنت

فالح الدحيلي

صح بدنك شرفت ونورت لاهنت

الناس تحسب لمكسبها ومخسارها=على قناة الفضىياكم نشاهد فلم
نعمين يا عزوة ما باحت اسرارها=وسيفها في نهار المعركه مانثلم

بعض العرب ودٌك الله ياخذ اعمارها = وبعض العرب شوفها مثل الدوا لللألم
لو ماتت الناقه الي ترضع حوارها = ياعنٌك يعلم بها الي بالخبر ماعلم

يا لعن ابو لابتن ماتحكم اشوارها=تغرق ليا ماج بحر الملحمه وظتلم
اللي زرع شجرة يجني من اثمارها=لا حان وقت الحصادوكل شي ولم

ياليتها ماتسنٌد عقب محدارها = خل الهلايم تجي وتروح مثل الهلٌم
فالعين بين الخلاق قُل مقدارها = مثل الجنابه على الي فالمنام احتلم

تعجبني الديره اللي تجري انهارها=سبحان من قسم الارزاق وبها علم
عروس محد من اول يلحق اخمارها=لو كان جوها من الاسياح ولا الدلم

ابو بندر

صح لسانك واعتلا شانك خلاص استلمت الوقفه الاخيره شابت معاي ماعاد بقى غير التوليف والترقيع هههههه


لاهنت يالذيب وبيض الله وجهك

الشاعر القدير
عبد الله الزراقي
صح بدنك وجهك ابيض يا النشمي وفيت ولا هفيت
كم انا سعيد بمحاورتك
تقبل تحيا ت اخوك