ووووين الشواعير !!!
محمد شبيب السبيعي20-May-2009, 05:08 PM
السلام عليكم
وين الشواعير عندي هرجتن غلفتها بالذهب=مكنونها في خلايا المخ ترقص لي شياطينها
الليل والعين غطاها الهدب قدم العجم والعرب=مادامت الروح ماجاها الذي يمشي على دينها
علي فلاح العضياني20-May-2009, 05:18 PM
عليكم بالسلام
ياللي تنادي على هونك وصلك اللي يسدّ الطلب=تهجد شياطين راسك يالسبيعي منه في حينها
وش عاد وش عاد ,,, يا محمد ليا عينك غطَاها الهدب=المملكه ما حكمها يا سبيع الاّ سلاطينها
عقاب الهيلا20-May-2009, 05:19 PM
كفو ياعلي ولاهنت
وانا في صفك
وصح السانك والسان السبيعي
علي فلاح العضياني20-May-2009, 05:23 PM
ما عليك زود يا عقاب
و الصف يفتخر بك
وصح بدنك
آبـوحربه20-May-2009, 05:42 PM
صحة والألـسنة والـقـلوووبــ واصلوا وسجلوا متابعتي
وصفي مـعروووفـــ :d
محمد شبيب السبيعي20-May-2009, 05:49 PM
يالي تسد الطلب مسرع ومتهور وأكلت المطب=ياكبرها يالعضياني على حضرتك ياشينها
موديل اللفين غرز والدبل خربان يابو شنب=والناس تسمع باذانيها وخلق الله ترى بعينها
محمد شبيب السبيعي20-May-2009, 05:54 PM
عقاب الهيلا وابو حربه يشرفنا حضوركم
علي فلاح العضياني20-May-2009, 06:06 PM
يا محمد انت شعمت النار ثمّ أصبحت فيها حطب =حوّلت في وسطها و أنا ما أشوف الاّ دخاخينها
يا بو شبيب انت و الله من رجالٍ تستحقّ الشبب=و أبشر بواجبك كلمه قلتها و أحمى مضامينها
علي فلاح العضياني20-May-2009, 06:17 PM
ابو حربه
صح بدنك
و الصف اللي جيت فيه يفتخر بك ههههههه
محمد شبيب السبيعي20-May-2009, 06:21 PM
ياذيب ياذيب كان الوالي المعبود بأمره كتب=أني على وكر أبو عرام اباحرر مساجينها
أنا أدري أنك من أهل المعرفه شاعر بفن وأدب=لكن بعض الرسايل منك ما تاصل عناوينها
علي فلاح العضياني20-May-2009, 06:40 PM
يا محمد انته ما متّ الاّ بعد ما جا لموتك سبب= قبلك جميع العرب ما قدرت تحرّر فلسطينها
ياللي تخطب الهنوف المترفه ذات الحسب و النسب= و الله لتبطي و تبطي ما تحطّ إيديك في إيدينها
بندر المرشدي20-May-2009, 07:52 PM
محمد شبيب السبيعي
صح لساااااانك وحياك الله
ياللي تخطب الهنوف المترفه ذات الحسب و النسب
و الله لتبطي و تبطي ما تحطّ إيديك في إيدينها
ياسلام سلم
صح لسااااانك يابو فلاح
علي فلاح العضياني20-May-2009, 07:58 PM
محمد شبيب السبيعي21-May-2009, 11:30 AM
أقول مافيك حيله يالعضياني عقيد الشغب=فعلك هنا وغيركم خاض المعارك في ميادينها
ألعب معى النادي المشهور لو أني عضو منتخب=يالي تعشق الهنوف المترفه ياوينك وينها
محمد شبيب السبيعي21-May-2009, 11:35 AM
بندر المرشدي صح بدنك والاخلا ولاعدم أسعدنا حضورك
علي فلاح العضياني21-May-2009, 10:06 PM
محمد شبيب السبيعي
صح لسانك
و تشرفت باللعب معك
محمد شبيب السبيعي21-May-2009, 10:11 PM
محمد شبيب السبيعي
صح لسانك
و تشرفت باللعب معك
صح بدنك والشرف لنا طال عمرك
