عواذلي بقريح

مساء الخير للجميع

قصيده اعجبتني ونقلتها لكم


لشاعر عوض حاشم الشمري








عديت انا منزاح في مرقب اللـوح=راسه عسر ومشيح بارضن كلايـح
ارضه قفر صحصاح ماطبه سروح=وشرقه حزوم وشيح نبتـه شلايـح
فوقي سما وجناح واللي تحت سوح=وعواذلـي بقريـح والله يبـايـح
همن بلاني لاح قلـب العنـا لـوح=لوحت هبوب الريح زرع الفلايـح
قلبي كما الملواح باالكف مطـروح=قلب العنا مايريـح والسـد بايـح
عدي صويب رماح مع منتق الروح=وعن الكرى تصفيح نومي شحايـح
جفني ماذاق مراح من غير مصلوح=كن السهر ذرنيح باالمـوق سايـح
راع الهوى ماارتاح والهم مفضوح=عدي بمهف متيح والعمـر رايـح
ابو جديل اوشاح باالستـر ملفـوح=ما غازلت تلميـح راع الفضايـح
في خده الوضاح برقن لها ضـوح=ياعين ظبي اوضيح بارضن شنايح
رمشه بليا سلاح اثربـي جـروح=واصبر على التجريح والجهد طايح
الوصل حبله طاح والحض مكبوح=بسباب خامد ريـح عـود القبايـح
عودن غدا نبـاح للشـر مشفـوح=لو كثـر التسبيـح مامـن فلايـح
مايسمع النصاح ملعون ابو ضروح=ولا ينفـع التلميـح لعيـون دايـح
راع الهوى ياصاح لو كثر النـوح=قبله شكـا شليويـح راع المدايـح
والضيغمي نطاح نار الوغى نطوح=يارفرف طليفيـح لعبـده وصايـح
ياصاح دمي فاح والصوت مبحوح=وحبن بـلا تبريـح مابـه ملايـح
شورك لنا مفتاح بابن بـه سمـوح=وانا افهم التلميح و هات النصايـح

الله يعطيك العافيه على النقل
لاهنت اخوووي

وانا افهم التلميح هات النصايح ..

الله الله

صح لساااانه ..

ويسلم راسك على الانتقاء الرائع ..

تحيتي
...