(عسكري متقاعد)

بسم الله الرحمن الرحيم
السلام عليكم ورحمة الله وبركاته

هذا واحد متقاعد يتحدث لي عن ضروف الغلا والمعيشه والايجاراة
فتصورت حالته وكتبت هذه الابيات على لسانه..


لاوشبابي ضاع في العسكريه=عشرين عام وفوقهنه زياده
مسخر فيها سوات المطيه= لافيه حريه ولاش استفاده
دون الوطن بذلت روحي هديه= ومن لاحما داره عليه النقاده
كم ليله سهرتها سرمديه اسهر وكم راسا حضن له وساده
دخلتها وانا عضودي قويه=مشمر الساعد واريد السعاده
واصبحت شاايب كل عذروب فيه=اكبر مافبه لحيتي كالعراده
واليومه مطلق سوات الوليه =وصلت لسن الياس مابه ولاده
ضاع الشباب وراحت الجاذبيه=وراحت ماتملك شي حتى القلاده
متشابهين الحال في ذي وذيه=يالله دخيلك من حياة القراده
خرجت منها فارغات ايديه=لا جبت خير ولاسلمت النكاده
متقاعد وكم حولي وليد وبنيه=اكذب عليهم غصم من غير اراده
احلم بتحسينات لوهي شويه=لوقطعت ارض في خلا في حماده

خرجت منها فارغات ايديه
لا جبت خير ولاسلمت النكاده
متقاعد وكم حولي وليد وبنيه
اكذب عليهم غصم من غير اراده
احلم بتحسينات لوهي شويه
لوقطعت ارض في خلا في حماده



صح لساااااااااااانك ياشعيل وصف رائع لحال العسكري المتقاعد الله يكون بعونهم.

لاهنت يا الزلامي و صح لسانك

يعطيك العافية على القصيدة

وصح لسان قايلها .. ولاهنت


تحياتي .. مكحل الذيب

واصبحت شاايب كل عذروب فيه
اكبر مافبه لحيتي كالعراده

الله الله

تصوير بليغ


صح لسانك

لاهنت يا شعيل صح لسانك

تحياتي وشكري
للجميع