الهدف معروف و المضمون في بيت القصيده ,,,, السعيدي
علي فلاح العضياني05-Apr-2010, 10:50 PM
صباح الخير يابو عايش
إستلم :
الهجوس الرّاهيه تروي محيمات الذوايق=و البيوت النادره تبنى على فكره جديده !!!
الصّبيّه لبّسوها يالسعيدي ثوب لايق=الهدف معروف و المضمون في بيت القصيده !!!
مخاوي الطير05-Apr-2010, 10:56 PM
يسلام يسلام
عليك يابو فلاح
شاعر مبدع ومميز ...
في انتظار السعيدي
متابع
//
فواز السعيدي05-Apr-2010, 11:00 PM
صباح النور يابو فلااااااح
////
.......
البيوت الها معاني والرجال الها طرايق = يجمع الله خيرة الاصحاب في ليله سعيده !!
لاتوصيني وانا اوصّي على الطيبه خلايق = كل تاجر يفتش المصرور ويبيّن رصيده !!
علي فلاح العضياني05-Apr-2010, 11:08 PM
يوم ضيفك عندك ,,, تعدّ الثواني و الدقايق=ما انت و الله مستفيد و لا الطراقي مستفيده !!!!
أنت ضايق يالسعيدي,,, بس مدري ليه ضايق= غاصبٍ روحك على المشوار كنّك ما تريده !!!
فهيد الايدا المورقي05-Apr-2010, 11:10 PM
علي فلاح العضياني
فواز السعيدي
صحت السنتكم جميع
طاروق كايف
تحيتي
علي فلاح العضياني05-Apr-2010, 11:20 PM
مخاوي الطير
بناخي الايدا
صحّت أبدانكم
شكراً على المتابعه
فواز السعيدي05-Apr-2010, 11:22 PM
الله الله
//////
............
بامر ربي مايعوق اللي على التفكير عايق = وسّع الخاطر ولاتصبح على دربي قعيده !!
ابسوي ملعبه واعزم حبيب وابن شايق = ثم تعال تشوف وشلون الجماهير العديده !!
فواز السعيدي05-Apr-2010, 11:23 PM
مخاوي الطير
بناخي الايدا
صحّت أبدانكم
شكراً على المتابعه
علي فلاح العضياني05-Apr-2010, 11:39 PM
رح معك مهلة شهر و إسبوع و تبين الحقايق=من شرب هدّاج ما يارد على بركة زبيده !!!!
من هم اللي بيني و بينك يشبّون الحرايق ؟=المشاكل من قريّب جتك و لاّ من بعيده !!!
سطام الشجعاني05-Apr-2010, 11:41 PM
ياسلاااام عليكم
صحت الالسن والقلووووب
متابع للابداع
تحياتي لكم
فواز السعيدي05-Apr-2010, 11:48 PM
الله الله الله
/////////
..................
لاتخامسني نهار العيد لين تكون فايق = لاتجي يمّي تخطرف تعتصد مثل العصيده !!
الحكومه واضعه لوحة طريق لكل سايق = اتبع اللوحات لين انّك تجيني في بريده !!
فواز السعيدي05-Apr-2010, 11:49 PM
هلا ياسطام
صح بدنك ياسنايدي
لاهنت
عيد بن مرضي05-Apr-2010, 11:54 PM
يا وجه الله وش ذا الآبداااع
صحت الآلسن والقلوب
طارووووووووق مكلفّ .... متابع
فواز السعيدي05-Apr-2010, 11:56 PM
هلا ياعيد
الله يحييك
لاهنت
علي فلاح العضياني06-Apr-2010, 12:10 AM
ههههههههههههه
يالسعيدي ما تعوّدنا على شحن البطايق=نحمد الله يوم بعض من العرب على الحديده !!!
لا تفكّ إيميلك لكلّ متهايق و متوايق=من جهلته كيف ترسلّه رساله في بريده ؟
علي فلاح العضياني06-Apr-2010, 12:12 AM
سطام الشجعاني
عيد بن مرضي
صحت أبدانكم لا هنتوا
فواز السعيدي06-Apr-2010, 12:25 AM
الله الله
/////
.........
صامل الزندين حتى لو يجيه رصاص تايق = قالو اللي حاقدين .. الله من البلوه يزيده !!
ماسرقنا غير ناسٍ تشتهر باهل السرايق = يوخذ المومن بغفله .. وش يسوي فالمكيده !!
فواز السعيدي06-Apr-2010, 12:26 AM
ابو فلاااااااااااااااااح
صح لسانك ملايين يامبدع
وتصبح على خير
والشكر لكل من تابعنا
فلاح ابوعبيد06-Apr-2010, 03:03 AM
الشاعر علي فلاح العضياني والشاعر فوازالسعيدي صحت الالسن والقلوب يعطيكم العافية على الطاروق الشيق بالتوفيق دائما
خالد الثبيتي06-Apr-2010, 04:24 AM
الله الله
محاورة رائعة
ابو فلاح صح لسانك
ابو عايش صح لسانك
ابداع لا مثيل له
مكرم الضيفان06-Apr-2010, 10:06 AM
قاف فريد من نوعه بيض الله وجيه شعاره حقيقة عمالقه ويستاهلون الاشاده اقبلوني محبا لشعركما الممتاز والهادف وشكرا
محمد بن رشيد06-Apr-2010, 11:08 AM
الله الله
صحة ألسنتكم عزالله
ابدعتوااا
عبدالله الاصعر06-Apr-2010, 12:32 PM
علي العضياني
فواز السعيدي
صحت اللسنتكم
قنوع النفس06-Apr-2010, 01:50 PM
الكنق 201106-Apr-2010, 02:57 PM
محاوره رائعه جدا صحت القلوب والالسن جميعا
