(( سنام المجد )) للشاعر ناصر بن عوض المهداني

بسم الله والصلاة والسلام على رسول الله وبعد

هذه القصيدة للشاعر الكبير اسماً وشعراً الاستاذ : ناصر بن عوض المهداني



اداء المنشد المبدع : عبدالعزيز الرفيدي



http://www.youtube.com/watch?v=7yjPm0kl9Jw





بارق ٍ قام يتكشف وسط نوه = حقته عيني وترجمته معاني

شاعرٍ عندي على الجزله جروه=والهزيله ما يقربها لساني

بيني وبين الشعر حلف وعنوه = مثل حلفٍ بين يامي وإقحطاني

فوق عشرين وعشر عشره وخوه = ما مهنته مع تقلاب الزماني

احترم معناه واجهد في سموه = ما هدمت بناه وإن ناديت جاني

ارتكي للقاف واهودي وادوه = لين تكمل فكرتي وانا مكاني

وارتفع عن سقطة الجاهل واموه = لو عناني قلت ما كنه عناني

وش علي من سقطته والا دنوه = حد عرفه شذبة فلان وفلاني

تايهٍ مغرور يعجز ما يتوه = توهوه الي وسيعين البطاني

شغلته لما استوى المجلس تفوه = يهمز ويلمز عريبين المجاني

وإنكشف عن وجهه قناعٍ مشوه = ما وراه الا الضغينه مضغناني

لوله والثانيه ما كف سوه = ابتلا نفسه بنفسه وابتلاني

لا رفق ولا نسب ولا مروه = مثل ما قال المثل شفرة يماني

يوم صكات الزمن ما شب ضوه = ضاريٍ ع الهون راضيٍ بالهواني

اتحاشاء بعض الاشياء وأتئوه = في طرفه رجال في حسبة خواني

كان ماهون فأنا خلفه وتوه = انبري بسيوف صلبٍ هندواني

دون من يوم العرب ضعفٍ وقوه = مثل راس طويق مزبن كل جاني

حن سنام المجد حن عالي علوه = حن مقابيس الوغا يوم الوحاني

حفنا في الجهل معلن عن جلوه = في طرف نجران له منزال ثاني

اما انا فإني انا وان جيت نوه = يكفي ان جدي الوحش واني مهداني

صح لسان قايلها قصيدة اكثر من رائعة وزادت روعة بصوت منشدها




ولاهنت على النقل المميز