تعال يامرزوق والعلم قدام
شاعر19-Feb-2005, 11:13 AM
سلام يانسل الرياجيل الاكرام////اهل الشرف واهل السيوف الصقيله
تعال يامرزوق والعلم قدام //// نبغى نحط الزند عند الفتيله
ابوسليمان19-Feb-2005, 07:54 PM
تعال يامرزوق والعلم قدام //// نبغى نحط الزند عند الفتيله
تعال يامرزوق والزند عند الفتيله
واصلوا واصلوا ياحباني
احترامي
مرزوق حمدان العتيبي19-Feb-2005, 07:59 PM
...
يسرني ان ارحب فيك ياشاعر
هلابك شرفت الهيلا
وبين اخوانك عسى الله يحييك
اخوك مرزوق العتيبي
مرزوق حمدان العتيبي19-Feb-2005, 08:06 PM
يامرحبابك يالمسلم والايام = ماعاد فيها حاجة ٍ مستحيله
تبغى جنوب الارض ولا تبا الشام = انا معك لو المسافه طويله
مرزوق حمدان العتيبي19-Feb-2005, 08:08 PM
...
الله لايحرمنا من هالشوفه يابو سليمان.
نورت الصفحه بحضورك..
الــوآفــي19-Feb-2005, 09:03 PM
الله الله
الشاعر : بيتين قويه وبدايه رائعه
مرزوق : شاعر معروف وقوي
يعني المحاوره على مسئوليتي راااااااااااااااااااااائعه
استمروااااااااااااا
وصل العطياني؟؟؟20-Feb-2005, 06:05 AM
سيروا وعين الله ترعاكم :)
تحيااااااااااتي
شاعر20-Feb-2005, 08:45 AM
الله يبارك فيك يامرزوق
ابو سليمان ذيبان وصل
لاهنتو على المرور والمتابعه
واستلم يامرزوق
الله يبارك فيك والذيب مانام //// طول الدهر يجري ويجمع حصيله
والناس تكتب فالحقايق والاوهام //// وانته تغني فالف ليله وليله
مرزوق حمدان العتيبي20-Feb-2005, 09:36 AM
الاخ ذيبان هلابك يالغالي
ولا عليك زود...
سعداء بتواجدك..
...
الشاعر وصل العطياني
عين الله على الجميع...
شكرا لك على حضورك المشرف...
مرزوق حمدان العتيبي20-Feb-2005, 09:39 AM
...
من قال سالم ياشاعر..
اصل الحقايق ماتقارن بالاحلام =واللي برك للحمل لازم يشيله
عز العرب معروف من عز الاسلام = ومن لايعز الدين ياعزتي له
شاعر20-Feb-2005, 09:55 AM
اليا ضهدك الحمل والله ماتنلام //// والي يقوم بحملته ياحليله
شكلك تأُثر بالهياكل والاجسام //// والقصد فالمضمون تترك سبيله
مرزوق حمدان العتيبي20-Feb-2005, 10:37 AM
..
طيب طيب
من فضل ربي مقسمي خير الاقسام = والدرب ادلّه ما انتظر للدليله
قبل المعرفه مايزينن الاعلام= ابغى تعلمني من اية قبيله
شاعر20-Feb-2005, 10:44 AM
والله ونعم وربع وخوان وخصام..!! //// مار الوكاد النا البيوت الظليله
مافاد مصر اليوم تاريخ الاهرام //// يوم الزمن جاء فيه لفه وميله
مرزوق حمدان العتيبي20-Feb-2005, 11:04 AM
...
كلن يشاهد مايخطن الاقلام = زيدي رعد ثم ابرقي يامخيله
اللي يخاصمنا من الوقت ينضام = واللي يصاحبنا يشوف الفضيله
شاعر20-Feb-2005, 11:11 AM
تحمد الله واكل خيرات وانعام //// اعرف حصان القوم وعرف صهيله
اثرك مثل الطير والطير حوام //// لاعاد تنظر للمرق والعبيله
مرزوق حمدان العتيبي20-Feb-2005, 12:06 PM
...
وين الطبيب اللي يشخص للاسقام = يكشف لنا طب القلوب العليله
اصهل ولك من عندنا قيد وخطام = صدق الهبيله طول عمره هبيله
شاعر20-Feb-2005, 12:28 PM
في داخلك عله وفي خشمك عرام //// واثر مرضك بوسط دم الفصيله
حنا نعز اعلام ونكس اعلام //// ياللي شبيهك من يبيع البليله
مرزوق حمدان العتيبي20-Feb-2005, 12:40 PM
راسي رفيع وماتلفت للاقزام = اعرف قليل العرف مافيه حيله
كلمه اخيره قلت ابختم بها اختام = مشكور ياراع البيوت الجميله
صح لسانك ياشاعر وبيض الله وجهك
اعذرنا على القصور وترى القلوب اصحاح...
شاعر20-Feb-2005, 12:49 PM
انا بديت بطيب والناس حكام //// وانته ردودك يالصويفي فشيله ;)
والخاتمة بالعود الازرق للكرام //// والا الصويفي فيه يومن واجيله هههه
الله لايهينك يامرزوق وبيض الله وجهك
وصح لسانك وبدنك
والقصور ماحصل قصور
والدعوى مزوح وسعة صدر
الحطيم21-Feb-2005, 08:07 AM
صح لسانك يا مرزوق واخونا الشاعر
ولا هنتوا.......
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
