عودة محمد القلاع
&محمد القلاع&27-Aug-2010, 11:18 PM
السلام عليكم ورحمة الله وبركاته,,,
المجال مفتوح لأي شاعر ,,,
سلام ياهل الشعر بالطيب والعودي
وأثني سلاماً يجي فـ القاف والحونه
من عقب ذاك الغياب أبـ بذل جهودي
وأغوص بحر القوافي وأسمي أصونه
ناصرابن نقاريس الهاجري27-Aug-2010, 11:29 PM
مساء الخير
اتشرف بان يكون اول محاوره لي في هذا المنتدا الشامخ معك
استلم
نيابةٍ عن هل الماجوب والجودي=يا مرحبا والقلايع شبه مضمونه
عسى غياب الرجل مردوده الزودي=مدري تعداه والا جاه من دونه
&محمد القلاع&27-Aug-2010, 11:40 PM
مساء الخير
اتشرف بان يكون اول نحاوره لي في هذا المنتدا الشامخ معك
استلم
نيابةٍ عن هل الماجوب والجودي=يا مرحبا والقلايع شبه مضمونه
عسى غياب الرجل مردوده الزودي=مدري تعداه والا جاه من دونه
تسلم والله وأنا لي الشرف,,,
أستلم,,,
دام البقى عد هز الغصن والعودي
يالشاعر اللي في راسه غنت جنونه
ولكان غبنا ظروف الوقت ونعودي
ما نستمع فـ الكلام اللي يقولونه
&محمد القلاع&27-Aug-2010, 11:49 PM
أخوي الأطلسي
أستاذنك أنا بطلع
ولنا لقى بعد صلاة التراويح بأذن الله
تحياتي لك’’’
ناصرابن نقاريس الهاجري27-Aug-2010, 11:57 PM
ابنشدك يوم للميقاف مارودي=خيلٍ اصايل صعب ماهيب معنونه
شفنا الفتيله تولع وسط بارودي=اللي على الشعر واهله تضرس اسنونه
ناصرابن نقاريس الهاجري27-Aug-2010, 11:58 PM
الله يستر عليك ولنا لقاء انشا الله
&محمد القلاع&28-Aug-2010, 05:38 AM
ابنشدك يوم للميقاف مارودي=خيلٍ اصايل صعب ماهيب معنونه
شفنا الفتيله تولع وسط بارودي=اللي على الشعر واهله تضرس اسنونه
[align=center]
ياخوك خلك مريح بال وأركودي
ربعي عتيبه هل الوقفات ممنونه
وأن جات للشعر ما يلحقك منقودي
تتقن حروف الشعر لاجات وفنونه
&محمد القلاع&28-Aug-2010, 06:10 AM
[align=center]
ياخوك خلك مريح بال وأركودي
ربعي عتيبه ودرب الطيب يزهونه
وأن جات للشعر ما يلحقك منقودي
تتقن حروف الشعر لاجات وفنونه
أسمح لي يا خيال الأبل
الطاروق مع أخوي الأطلسي
بس إذا تحب نلعب معك طاروق ثاني
وأسمح لي مره ثانية
تحياتي
خيال الابل28-Aug-2010, 07:56 AM
معذور يامحمد ابد معذور
وابد انا الي اعتذر
ناصرابن نقاريس الهاجري29-Aug-2010, 03:26 AM
ان غارت اعدود والا جمت اعدودي=هاك الولد ياعميلي سدد اديونه
خلى حطبهم على الديران مرجودي=واللي يشب الحطب يا ويش ديدونه
&محمد القلاع&29-Aug-2010, 06:01 AM
يالأطلسي معك طيب ساس وسعودي
والسيف يفصل مابين الراس ومتونه
وأحذر تشب الحطب وتصير منكودي
وبعض العرب لاحضرنا تدمع عيونه
ناصرابن نقاريس الهاجري29-Aug-2010, 06:27 AM
صح الله السان يا محمد ولنا انشا الله لقاء ثاني
&محمد القلاع&29-Aug-2010, 06:45 AM
تسلم يالغالي
وتشرفت باللعب معك
تحياتي لك,,,
ابو جاسم القلاع16-Sep-2013, 03:17 AM
يامرحبا بالقلاع وجاك مردودي
ترحيب من واحدن غنا على هونه
الباب فالمنتدى ماهوب مردودي
انشرع الباب والعتبان من دونه
محمد سعد القلاع
