المعنوي باعه يبي شئ محسوس

قالو علامك ضايق البال منحاس=قلت اسمحولي خلو البال محيوس
ادير فكرن داربه كم هوجاس=غدا من اللي داربه كنه ملبوس
من يوم شفت اللي مشا درب الادناس=شاخ وتمشيخ عقب ماكان مديوس
سلط على اللي للقريبين مساس=ذي مهنته للي تبناه دبوس
باع الشهامة والوفا يبغي الحاس=المعنوي باعه يبي شي محسوس
باع المراجل جعل ماواه الافلاس=حتى خذا من جور عدوانه دروس
واصبح ذليل تحت الاقدام ينداس=حط العسل والسم للناس مدسوس
عقب الدناعة والردا اليوم جا راس=في ذا الزمن كل العرب جاتبه روس
لوهو ظهر في وقت سالم وجساس=بيكون ذكره مثل هقوته منكوس
هذا ومن مثله ليا راس ماراس=الا سفاسف قوم تقدس فلوس
والحمدللي خالق الجن والناس=اللي خلع من فكي الضرس ابوسوس
مانيب في يمناك ياهيه ملاس=لاحدتك ليام بتحوس وتدوس
تروح وتعود على عينك انعاس=وتعس وتعود مع الناس مريوس
الطيب مايبغي تملاق والهاس=خط طويل يتعب فروت وجموس
بعض الذي يكسي يده زين الالماس=افضل من وجيه تحكحك على موس
واليوم بان الحق للناس وانداس=دوس يدوسه من ضحك له بلا ضروس
فياللي تحسبن الزمن ماله انكاس=مهبول ياللي تحسبك دوم محروس
الوقت لو يصفي صفا لابن قرناس=ضاع الامل والحلم والجهد مكروس
يوم تراه اصفا من الما ورا الكاس=يبين لك وجه وياطاله هدوس
ويوم يحمسك مثل بن بمحماس=ويبين لك وجه من الشر معبوس
فالى صفالك فانتبه ترخي الفاس=وتشوف بطنه من سواياك متروس

اهههههههههههههههه

صح لسانك
تقبل مروري

..

.
صح لسانك الله يعطيك العافيه تقبل مـــــــــــرووووووري

صح لسانك ياشافي


تقبل مروري يالغالي