مراده/بين مبخوت مرعي الكربي/علي محمدالكربي

ارسل لي علي بن الكخر قصيده اثنا دوامي في الغويفات وكنت في حينها
احضر بحث الترفيع حيث حصل بعض الانقطاع بيننا - وكعادته يفاجئني ابو جابر بقوافي فيها بعض الصعوبه يقول ابوجابر --

ياغائب لك وقت وش جاك غرست
ذي غيبتك يالقرم ماهي بغيبه
اللي يشوفك لازم ايقول عرست
ولا رحلت لدار ماهي قريبه
ياما على شعر النبط دوم درست
علمتنا في الشعر جزله وطيبه
واليوم مالك حس لكني احسست
انك تحضر لك قوافي عجيبه

رد مبخوت مرعي ---

يامرحبا ياللي بقيله تنومســــت
ترحيبة المشتاق من بعد غيبه
باقوال شاعر من شذاهاتنفســــت
نظم القوافي منه ماهي غريبه
ان غبت او في بعض الاوطان حوسـت
ماكان قلبي ينعزل عن قريبه
الوقت خذني في عجاجه وكرســـت
جهدي وشليت القلم والحقيبه
وان كان شعري مر من حاجز التسـت
فانت الذي بالقافيه نقتدي به