20-Nov-2011, 01:00 AM
السلام عليكم ورحمة الله وبركاته
خاطره بسيطه لعلها تحوز على رضاكم
والاسم (فهد) المذكور هو اخي الكبير حفظه الله
وحفظ الله غواليكم.
واعتذر عن عدم القدره على تنسيق القصيده
عالي النيف
ياخوي ياللي في النوايب عويني=ياشفرة السكين ياسلة السيف
واشيب راسي يابن ابويه وعيني=لا والله الي شيبت بي الصواديف
دب الحزن ياخوك والشوق فيني=وحدتني الدنيا بكثر المشاعيف
وغرتني الايام واخذت سنيني=اثر الزمن له ميله وله تكاليف
الوقت عنكم يافهد محتديني=دايم سهومه يم قلبي مراديف
ماد الحشى, والبال من مايجيني=يطلب بنات الفكر توجيبة الظيف
وارهن عليه بالجزل والسميني=وقمت اتغنى واستهل المحاريف
الشعر عود بحكمته محتويني=من خبرته صفيت الامثال تصفيف
على الهلالي والصخر والهجيني=عسر المعاني كل ابوهن معاسيف
من مبلغ ٍ عني كلام ٍ ثميني=قول ٍ غداله في الحنايا تصاريف
نصايح اللي في القسى مايليني=ولاردته دنياه ذب المشاريف
الطيب سهل النيل يالمبتغيني=في وقتنا الحالي ولافيه تكليف
من عقب وقت ٍ ناله الطيبيني=بالجوع والقسوه وحدالمراهيف
وان راد ربي ومرك إمسيريني=ترا البشاشه حشمة ٍ للمضاييف
وأكرم لحاهم بالدسم واليديني=والناس تعرف حاتمن راح ماشيف
وحلاوة الايام للرجل ديني=من لاحتزم تسقيه مر وتحاسيف
وان كان همك وسط صدرك دفيني=لابد ماتظهره بعض العواصيف
لاتبدي الحاجه وخاف ِ الكنيني=عند اللزوم إلا لراع المواقيف
واحذر ترا في الناس لك مقتفيني=ناس ٍ تولف خلفك العلم توليف
وليا بدت لك حاجة ٍ ماتزيني=عن صاحبك كتف يد الغيض تكتيف
اشره وعاتب بالكلام الحسيني=واتلى الزعل وياه مزح وسواليف
وترا القريب له حقوق ٍ وديني=خلك ستار إلزلته دايم وريف
ولو ركٌب له موجه وقفى, يبيني=مال السفينه ماقف الا على السيف
وغض النظر عن حرمة المسلميني=العين تزني و لك فعولك مناكيف
وبعض النسا غاوين متلاعبيني=لايخلفنك ظامرات السراجيف
هذي النصايح كان إبه لازميني=لزمتها من مجلس ٍ به عواريف
واهمهن وابدابهن باليميني=طاعة ولي ٍ تحت عرشه مكانيف
اللي يميت ويحيي الميتيني=واللي يصرف امر الانسان تصريف
والوالدين الله بالوالديني=اللي بذلو لجلك جميع المصاريف
ويساهرون الليل كالفرقديني=عليك من دنياك دايم مخاويف
هذا وتمت بالكلام الرزيني=مثايلٍ في الشعر من عالي النيف
فارس بن طلق الصوينع
خاطره بسيطه لعلها تحوز على رضاكم
والاسم (فهد) المذكور هو اخي الكبير حفظه الله
وحفظ الله غواليكم.
واعتذر عن عدم القدره على تنسيق القصيده
عالي النيف
ياخوي ياللي في النوايب عويني=ياشفرة السكين ياسلة السيف
واشيب راسي يابن ابويه وعيني=لا والله الي شيبت بي الصواديف
دب الحزن ياخوك والشوق فيني=وحدتني الدنيا بكثر المشاعيف
وغرتني الايام واخذت سنيني=اثر الزمن له ميله وله تكاليف
الوقت عنكم يافهد محتديني=دايم سهومه يم قلبي مراديف
ماد الحشى, والبال من مايجيني=يطلب بنات الفكر توجيبة الظيف
وارهن عليه بالجزل والسميني=وقمت اتغنى واستهل المحاريف
الشعر عود بحكمته محتويني=من خبرته صفيت الامثال تصفيف
على الهلالي والصخر والهجيني=عسر المعاني كل ابوهن معاسيف
من مبلغ ٍ عني كلام ٍ ثميني=قول ٍ غداله في الحنايا تصاريف
نصايح اللي في القسى مايليني=ولاردته دنياه ذب المشاريف
الطيب سهل النيل يالمبتغيني=في وقتنا الحالي ولافيه تكليف
من عقب وقت ٍ ناله الطيبيني=بالجوع والقسوه وحدالمراهيف
وان راد ربي ومرك إمسيريني=ترا البشاشه حشمة ٍ للمضاييف
وأكرم لحاهم بالدسم واليديني=والناس تعرف حاتمن راح ماشيف
وحلاوة الايام للرجل ديني=من لاحتزم تسقيه مر وتحاسيف
وان كان همك وسط صدرك دفيني=لابد ماتظهره بعض العواصيف
لاتبدي الحاجه وخاف ِ الكنيني=عند اللزوم إلا لراع المواقيف
واحذر ترا في الناس لك مقتفيني=ناس ٍ تولف خلفك العلم توليف
وليا بدت لك حاجة ٍ ماتزيني=عن صاحبك كتف يد الغيض تكتيف
اشره وعاتب بالكلام الحسيني=واتلى الزعل وياه مزح وسواليف
وترا القريب له حقوق ٍ وديني=خلك ستار إلزلته دايم وريف
ولو ركٌب له موجه وقفى, يبيني=مال السفينه ماقف الا على السيف
وغض النظر عن حرمة المسلميني=العين تزني و لك فعولك مناكيف
وبعض النسا غاوين متلاعبيني=لايخلفنك ظامرات السراجيف
هذي النصايح كان إبه لازميني=لزمتها من مجلس ٍ به عواريف
واهمهن وابدابهن باليميني=طاعة ولي ٍ تحت عرشه مكانيف
اللي يميت ويحيي الميتيني=واللي يصرف امر الانسان تصريف
والوالدين الله بالوالديني=اللي بذلو لجلك جميع المصاريف
ويساهرون الليل كالفرقديني=عليك من دنياك دايم مخاويف
هذا وتمت بالكلام الرزيني=مثايلٍ في الشعر من عالي النيف
فارس بن طلق الصوينع
