سلام يامرزوق

سلام يامرزوق 0 والخد ميدان 0 سلام يامرزوق=طرقٍ على المسحوب 0 ومروّجع القاف 0 طرقٍ على المسحوب
أوحيت لي منطوق 0 واحتاج تبيان 0 اوحيت لي منطوق=خل الفنر مشبوب 0 في راس مشراف 0 خل الفنر مشبوب

ترحيب لك مسيوق. من قلب ولسان .ترحيب لك مسيوق= في ماقف الماجوب. والفعل ينشاف .في ماقف الماجوب
هات الخبر يالذوق. والصدق ينبان. هات الخبر يالذوق= وافصح عن المكتوب. قدام الاشراف. وافصح عن المكتوب

الله محاوره بدايتها قمه

من شعراء مبدعين

انته ترا محقوق 0 ياذرب الأيمان 0 انته ترا محقوق=من لابتك مطلوب 0 والناس عرّاف 0 من لابتك مطلوب
اذّنت وسط البوق 0 بالقاب شيخان 0 اذّنت وسط البوق=وكلٍ لبس له ثوب 0 من عهد الأسلاف 0 وكلٍ لبس له ثوب

الأخ ماجد الهذلي شكرا على مرورك وحياك

الله الله



قوه قوه

ياسلام

يا ســـــــــــــــــــــــــلام على الابداع
واصلوا واصلوا

الأخ ماجد الدغيلبي مشكور وشرفت

الأخ المورقي حياك وشرفت

ان كان فيه احقوق. انا عالي الشان . ان كان فيه احقوق= احضر واسد النوب. في كل ميقاف. احضر واسد النوب
يابو وجه مطلوق. فتحت بيبان. يابو وجه مطلوق = والبيت بنيه طوب. ماجابه اخلاف . والبيت بنيه طوب

...
الاخوان الذين تواصلوا
كل الشكر لكم على حضوركم المشرف..
اخوكم ومغليكم.

شافك ولد موثوق 0 من نسل قحطان 0 شافك ولد موثوق=تاخذ لقب منهوب 0 من ريف الأضياف 0 تاخذ لقب منهوب
واللي خسر فالسوق 0 يافلان رعيان 0 واللي خسر فالسوق=من ومّر المنصوب 0 كان انت هداف 0 من ومّر المنصوب

قلبك ورى محروق . ياولد حيّان . قلبك ورى محروق= هذا خبر مكذوب. والناس عرّاف . هذا خبر مكذوب
مانيب راعي بوق. مع طول الازمان . مانيب راعي بوق = يوم انك انته نوب. هرجتك تنعاف. يوم انك انته نوب

دون الحقوق حلوق 0 ياولد حمدان 0 دون الحقوق حلوق=يالله عساك اتوب 0 من هرج الاسراف 0 يالله عساك اتوب
ارفع ربوعي فوق 0 من فوق الامتان 0 ارفع ربوعي فوق=هرجي سوات الذوب 0 مانيب مزهاف 0 هرجي سوات الذوب

مرزوق العتيبي


أبو حيان


وااااااصلوا يامبدعين وحنا متابعين


تحياتي.

من العيار الثقيل .. متاااابعين

...
طيّب طيّب
حتى الكلام ايروق . جاوبني الآن. حتى الكلام يروق = ما احكي مع المحجوب . من باب الانصاف. ما احكي مع المحجوب
هات اسمك المرفوق . من غير نقصان . هات اسمك المرفوق= يالطالب المطلوب . خل التحذاف. يالطالب المطلوب

حنّا كسبنا النوق 0 بسيوف فرسان 0 حنا كسبنا النوق=ونعطي من المكسوب 0 من حمّ الأشعاف 0 ونعطي من المكسوب
في دار عزوة روق 0 ساجر وجمران 0 في دار عزوة روق=حصنك عن الاهوب 0 وضلال ولحاف 0 حصنك عن الاهوب

الله الله ياسلام على ذا الطرق

متابعين لكم

...

الرمش فوق الموق- والعقل ميزان - الرمش فوق الموق = ترى الخطا محسوب- وايضا التلفلاف- ترى الخطا محسوب
باب القشر مغلوق- عن كل شيطان - باب القشر مغلوق= وان كان تبغى ذنوب- رح يم الاحلاف - ان كان تبغى اذنوب

...
الفيصل

فيصل المسعودي

حمد المري..
وجودكم له اشراقته
ومكانته الخاصه..
على الشكر لكم ياغالين على تواصلكم.

ما تعرف المطفوق 0 وش فيك عميان 0 ما تعرف المطفوق=نبغا القشر مجبوب 0 ونضّم الأطراف 0 نبغا القشر مجبوب
ناسٍ يامال العوق 0 يتلون الأضعان 0 ناسٍ يامال العوق=واليوم نفخ ذروب 0 واحزاب واصناف 0 واليوم نفخ ذروب

للمرجله معشوق - في كل الاحيان - للمرجله معشوق= ولاّ الردى مشطوب- من كل الاجلاف- ولاّ الردى مشطوب
انته مافيك عروق- تنبض بالاحسان- انته مافيك عروق= يلعبّك الاهوب-وعزومك اضعاف- يلعبّك الاهوب

خللك ورا مفهوق 0 يابناخي فلان 0 خللك ورا مفهوق=خصمك قوي جنوب 0 وجنوبك صخاف 0 خصمك قوي جنوب
انته ردي اعموق 0 من عصر بدران 0 انته ردي اعموق=بالمرخمه مجذوب 0 من شين الأوصاف 0 بالمرخمه مجذوب

يالمشلح المشقوق- بالخبث مليان.يالمشلح المشقوق = مخفي كما الرعبوب -ومكسّر اكتاف - مخفي كما الرعبوب
حوق الرديه حوق- ياطير برمان- حوق الرديه حوق= ضايع مامعك اسلوب- تحذف بنشاف - ضايع مامعك اسلوب

...
يابو حيان
من اجل انك جريتنا لمثل هالكلام
نقول لك نكتفي بهذا القدر
وصح لسانك
والله يسامحنا ويسامحك :) .

صح بدنك
وانا ماجريتك للكلام هذا
انا مالعبت علشان اجرب شاعريتي او افرد عضلاتي
حبيت اني اناقش معك موضوع وانت فهمتني خطا
وانا ماتوقعت ان الكلام هذا يجي مني او يجي منك
وعلى كل حال الله يسامحني ويسامحك:)

....
..
ولا يهم شنباتك ياغالي
الامر عادي وانا اخوك
والزعل في المحاوره مرفوض
ولكن احيان يصل الحوار الى منعطف
لابد ان لايتجاوزه .. احترام للذوق العام
وامور انت تفهمها..
تقبل تقديري واحترامي.

مرزوق .. ابو حيان

لعلها وصلت إلى نقطة لم تريدوا الوصول إليها

ولا نحن ايضا . . .

لكن اشهد بجمال هذه السمفونية التي عزوفتموها

يعطيكم العافية وحنا ربع واخوان

الفيصـــل

...
..
مرحبا يالفيــــصل
شكرا لك على تسجيل انطباعك.
والامور عاديه والقلوب انظاف
وحدوث مثل الاشياء في المحاوره شي طبيعي
ولكن من الاجدر والافضل ان لايحدث.
ولن يحدث بأذن الله مستقبلا ...
كل الشكر ياغالي..