تراي ابا اوصيك وانذرك وانخاك

هاذي القصيده لشاعر محمد بن علوش بن بادي العتيبي:
يابو محمد قم ترى العلم ينصاك.......نـــصيحة مـــن والـــد لك رحومي
جر القلم واتعب ضميرك ويمناك.......لـــعلها تـــسلم وعــــمرك يدومي
لو يشتكي من الازعاج حذراك........خــله تــبيــن ســطوتــه بالبهومي
اليا تعب ريحك واكرمك وارقاك......بالعلم روس امشمرخات الــرجومي
اليوم عصر العلم ماهوب يخفاك......يحتاج بذل الجهد في كل يومـــي
ترى الوطن يفخر بمثلك وشرواك.....لنشر الثقافه في جميع السلومي
وتراي ابا اوصيك وانذرك وانخاك....واعطيك عنوان السعاده عمومي
الـــدين حـــذرا لاتبـــيعه بـدنياك......لاضـــاع ديـــنك ماتـسر العلومي
تراه ذخر لك على الطول يرفاك.......مـــثل الــذهب تلقاه عند اللزومي
والمال والصحه مصابيح الفلاك........تزول مثل الروض عـقب الوسومي
ادر القصير وقدر الضيف لاجاك........واصبر على عجفا الرفيق الشتومي
وصلاة رب البيت حلال الاشراك........على النبي عـدة طــلوع النجومي

تقبلوا تحياتي:
((الدلبحي))

الـــدين حـــذرا لاتبـــيعه بـدنياك......لاضـــاع ديـــنك ماتـسر العلومي

صح السان قايلها وسلمت يمين ناقلها

شكرا علي اتحافنا بهذه الرائعه والجميله

يالدلبحي

ابن عاصم تسلم الله يعافيك على هذا التواصل المستمر وعلى هذا الشعور النبيل
ارجو ان مااقدمه يحوز على رضى الجميع
تقبل تحياتي:
((الدلبحي))

دائماً متميز في اختيار المشاركات ياخوي ((الدلبحي)) , الله لايهينك والله يعطيك العافية.



اخوك:
ابن مشيب...........الشيباني العتيبي.

اخوي ابن مشيب التميز هو تواصلك المستمر اشكرك على هذا الاعجاب
وتسلم الله يعافيك وانا شاكر لك على قراءة ماكتب من مواضيع
تقبل تحياتي:
اخوك وصديقك
((الدلبحي))