فزعة يابني عمي

السلام عليكم حيا الله ربعي عتيبة بني عمي عساكم بخير العلم يالربع سلامتكم تعرفون مكاتب الشعار اذا جيت تدور لك محاورة لازم تعرف مكانها او تاريخها والشعار اللي فيها وانا لي فتره ادور لي محاورات معي بالجوال واسمعها المكاتب ولايعرفونها يقولون وين مكانها وتاريخها ومن فيها من الشعار وياليت اللي عنده اي معلومة عن اي محاورة من المحاورات اللي بقولها يعلمنا ولايبخل علينا

المحاورة الاولى سفر وتركي يوم يقول سفر فيها
بين نجم يماني وبين نجم شمالي اتفرج على الاحداث واحفظ مكاني
بس انا شاعر عتيبي ماني بقحطاني اثر من طاول السقم اليالي غدابه


المحاورة الثانية بين بن طمحي وتركي يوم فيها يقول تركي لمحمد بن طمحي

اجيك منه يابن طمحي تجي منه ياسقس ياسقسنا اللي صادمها دنه


والمحاورة الثالثه اللي يقول فيها تركي

ترى المطران والعتبان دولة مع طرف دولة وكلن تعرف امجاده وكلن تعرف فعوله

والمحاورة الرابعه بين العمى وبن عتقان ويقول فيها العمى

نعمنا ماندور له من اشكالك سلمي تجر الصوت بجبالك
محد يعرفك غير انثاك وعيالك من كتبها على الوجهين يلقاها


المحاورة الخامسه تركي 2000 واعتقد معه القرقاح والسناني وفيحان وفيه موال لها لتركي يقول فيه

اخذ حذرك فالرياض وفالكويت وانتبه للدرب لامنك سريت
لايجيك.............................. مايصيب الادمي غير النصيب


اتمنى اللي يعرف اي معلومة عن اي محاورة منها لو مكانها وتاريخها يعطيناها الله لايهيينه

اول شي مااعرف ولا تاريخ اي محاورهـ

المحاوره الاولى

في ساجربحضور رشيد الزلامي وابن عتقان وسفر وتركي


المحاوره الثانيه

اكيد في الحجاز بس بالظبط مدري وين

المحاوره الثالثه

في الدمام قبل اسابيع بحضور حمود البقمي وملفي المورقي

المحاوره الرابعه

مااعرف شي عنهااا

المحاوره الخامسه

بالرياض بحضور الشعار اللي ذكرتهم

وهي قبل شهر تقريبا او اقل او اكثر مدري بالظبط

اتمنى اني افدتك

اخووووك

البديري

مثل ماقالك الاخ البديري
المحاوره الاولى بساجر اعتقد في العيد الماضي
المحاوره الثانيه اعتقد انها فالقصيم في مهرجان
الثالثه في الشرقيه قبل يمكن اسبوعين
الرابعه لا علم عناه شي
الخامسه لا اعلم عنها شي

يعطيكم العافيه وبيض الله وجيهكم وعسانا نحصلها عند مكاتب الشعر اللي بشارع النخيل

وياليت اللي يعرف عن المحاورة الرابعه والثانية شي يعلمنا بها

الثالثه عندنا فالدمام وقريبه يجيلها حووول الاسبوع وشوي