الا يالله عفـوك لا معـي بيجـر ولا جــوال

بسم الله الرحمن الرحيم

اخترت لكم قصيدة عسى ان تنال اعجابكم جميع

وهي للشاعر سعيد الاكلبي


الا يالله عفـوك لا معـي بيجـر ولا جــوال"
"ولا عنـدي وظيفـه والتجـاره فاشـلٍ فيهـا
ولاعنـدي شهـاداتٍ ولاحرفـه تسـد الحـال"
"ولا حـظٍ كبيـر لا اخطـت الجـره يقديـهـا
مخابي الثوب تومي مادخلها من زمان ريـال"
"بها فاتـورة الكهـرب ولا يمدينـي اقضيهـا
علىذيك العراوي تتعب الحـادي مـع الجمّـال"
"ثلاث اشهـور فالورشـه وشهريـنٍ مغطيهـا
ابيها لو تجمّل يـوم واجلبهـا علـى الـدلاّل"
"يجيها واحـدٍ حظـه مثـل حظـي ويشريهـا
نصيت العسكريّه يـوم قالـوا للنظـام رجـال"
"وقدّمـت الملـف وصـورةٍ متشخـصٍ فيهـا
خذا الاوراق مني واحدٍ مـا عنـد ابـوه دلال"
"سلوم الناس واهل المعرفه والطيـب مخطيهـا
قراها في دقيقه والتفـت عجـلٍ علـي وقـال"
"شهادتك العظيمه يا ولد ويـن انـت مخفيهـا
هزّيت الراس ماعندي تقول اني مـن البنقـال"
"وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـال"
"وقال ازين تعـوّد صـوب نوقاتـك تعشّيهـا
تناوشته من الكرسي وعفت الحـل والترحـال"
"وضربته بالبياله عقب مـا بيّحـت شاهيهـا
خذوني للسجن لا نيـب لا ظالـم ولا محتـال"
"مجرّد واحـدٍ جـا يكحـل عيونـه فيعميهـا
ويوم اني خرجت اقفيت لارض الله وسيع الجال"
"علـى بـرٍ هـواه يـداوي العلّـه ويبريـهـا
ادوّر قصعة الجربوع والظـب الفتـي يختـال"
"والارنب يا شفاة الروح ما احلاهـا وطاريهـا
بـلا كهـرب ولا بيجـر ولا غـازٍ ولا نقّـال"
"قوانين الحضاره لا تبـي شوفـي ولا ابيهـا


تحياتي ومحبتي للجميع
الوجيــــــــــــــــــــــــه

الوجيه

الله يبدل الحال بحال

ويفرجها من عنده

قصيده في غاية الدعابه

مشكور على الاختيار

بيض الله وجهك يالوجية
اختيارك رهيب من رهيب

صح لسانك يالوجيه


ولسان قايلها

بيض الله وجهك........

وتشكر على النقل الرائع.......

تحياتي......

تنقل للقسم الشعبي

اخى الوجيه

صح لسانك وبيض الله وجهك واختيار موفق

كما عودتنا دائما وصح لسان الاكلبي

وماتضيق الا تنفرج

على قوله حجرف الذويبي

انا ليا ضاقت عليه تفرجت ....... مانى بمسكين همومه تشايله

يرزقنى رزاق الهوايش بجحورها .......... لاخايله برق ولاهي بحايله

الى نهايه القصيده

اخى صح لسانك مليوووووون ولاهنت

دمت لنا بدوام حظورك

اخووووووك / ابـــــــــــــــ ( مــــــورق ) ــــــــــــــن

اخوي الوجيه يعطيك العافيه على المشاركه
ولاكن يوجد خطا
القصيده لشاعر الكبير سعد بن جدلان الاكلبي
تقبل تحياتي

شاكر لكم جميعاً على مروركم وتعليقكم

واخوي الدبلجي ربمـــا !!
سعيد دلع لسعد هههه
مشكور على تعديلك اخوي

الوجيه

شكر لك الوجيه

هههههههههههههه

الوجيه الله لا يهينك

قصيده في غايه الروعه

وصح لسان الاكلبي

تحياتي لك

الرااااااسي
العفو اخوي

الوجيه

اخوي عتيبي عفيف
لا هنت اخوي
والاروع هو مرورك على المشاركة الي اسعدني ..

تحياتي
الوجيه

هذا والله الحال الأقشر..

مشكور أخوي " الوجيه "




تحيااااااااتي.

العفو يا وصل
والله لا يقشرنا مثل صاحبنا

شاكر لك على المرور

الوجيه