ضـلع مـلاذ لـروق عـن كـل شــاذوب

بسم الله الرحمن الرحيم
السلام عليكم ورحمة الله وبركاته

هذه قصيده قديمه (مرثيه) في الشيخ تركي بن نايف بن مارق الضيط

قالها الشاعر المعروف سلطان بن فيحان الشغار......


يالله ياجابر عزا كل مصيوب ** تجبر عزانا في فقيد القبيلة

تركي ولد نايف ذرى كل منيوب ** الضيط من يشك العيل يلتجيله

لاهنت ياعمهوج بالكف مقضوب ** من عقب تركي في يدين تشيله

تاريخهم في ماض الأزمان مكتوب ** ويقطعك ياهرجاً ضعيفاً هزيله

ضلع ملاذ لروق عن كل شاذوب ** ومشكى لمن يشكي من الوقت ميله

منه النقا ينسب وبالجود منسوب ** وترفعله البيضاء بعال الطويله

ومن طيب حظه عند الاجواد محبوب ** وبالخير وان جابو مجاله دعيله

واخلاف هذا موفياً كل ماجوب ** وبيديه حل العقده المستحيله

امر الله الغالب ولاهوب مغلوب ** واكبر حدث عند القبيله رحيله


وسلامتكم

ومن طيب حظه عند الاجواد محبوب ** وبالخير وان جابو مجاله دعيله
واخلاف هذا موفياً كل ماجوب ** وبيديه حل العقده المستحيله
امر الله الغالب ولاهوب مغلوب ** واكبر حدث عند القبيله رحيله

عز الله..

سعوط المجانين:

شكرا على القصيدة
ورحم الله أمواتنا وأموات المسلمين..



فرهودي،،

تاريخهم في ماض الأزمان مكتوب ** ويقطعك ياهرجاً ضعيفاً هزيله

ضلع ملاذ لروق عن كل شاذوب ** ومشكى لمن يشكي من الوقت ميله


(اعتقد ان شطر البيت الثاني هو (( ملجى لمن يشكي من الوقت ميله)) والله أعلم)


ابيات لوانها قليله ولكنها تعبر عن مشاعر صادقه وأحساس بالمفاجئه والفراق

امر الله الغالب ولاهوب مغلوب ** واكبر حدث عند القبيله رحيله

نعم

أكبر حدث عند القبيله رحيله

صح السان قائلها ورحم الله حفيد الأبطال والشيوخ أهل عمهـــــــــــــــــــوج

صح لسااانه ..

ومشكووور يالغااالي ما قصرت ..

تحيتي
..

تشكر على نقل القصيده

تقبل مروري

صح لسان شاعرها ومشكور على النقل ..