حبيب ومستور والسناني والرياحي في رباعية نارية

أقدم لكم محاورة (الطيارة) التي جمعت كل من


(مستور العصيمي , حبيب العازمي && فيصل الرياحي , محمد السناني)


وحصول حدث مهم وهو انسحاب (حبيب والسناني) في منتصف هذه المحاورة

واستمرار (العصيمي والرياحي) رغم خروج الشاعرين الاخرين


وهذه هي المحاورة كاملة صوتية


http://arabsh.com/wx25qxyydrdp.html




وهذه هي المحاورة كاملة كتابية





- فيصل الرياحي -

وين صفوف الطايف وين العب الكايف
فوق الضلع النايف طيري ياطياره

- محمدالسناني -

منهو شاف حبيب عنده علماً طيب
يلحق قبل يشيب طيري ياطياره

- مستورالعصيمي -

يافيصل سيرها وأفكارك غيرها
وأين انت وطيرها طيري ياطياره

- حبيب العازمي -

يامحمد ريحنا بالدعوه صارحنا
أمسينا وأصبحنا ما طارت طياره

- فيصل الرياحي -

خنذف مع شبابه لابه تنطح لابه
والدنيا غلابه طيري ياطياره

- محمد السناني -

الموقف موقفنا والطيب شرفنا
ياحبيب سولفنا طيري ياطياره

- مستورالعصيمي -

خنذف في ديرتها لاتقرى سيرتها
جابتها ودتها طيري ياطياره

- حبيب العازمي -

لا ينكبك العيه وتضويلك سيه
تسعين من الميه حمله في طياره

- فيصل الرياحي -

يا مستور الثوره للنفس المغروره
خلوها مستوره روحو في الطياره

- محمد السناني -

النكبه مقسومك يالي قرب يومك
غصب طيح نجومك طيري ياطياره

- مستور العصيمي -

يا فيصل العيره طاحت في حفيره
صفر بالصفيره وأركبلك طياره

- حبيب العازمي -

راحت حطو وشيلوا وأعتدلوا مع ميلوا
كم يمشي من كيلو طبلون الطياره

- فيصل الرياحي -

أثر العود مهذري ويسولف ما يدري
جاكم يمشي عبري ودعسته طياره

- محمد السناني -

العاقل له طاعه وأسمع بالسماعه
خمسميه بالساعه طبلون الطياره

- مستور العصيمي -

يا فيصل لو تدري عن ما حوى صدري
ما تنقص من قدري يا راعي الطياره

- حبيب العازمي-

قام محمد ينزي ويدور للكنزي
ويسافر بالعنزي في وسط الطياره

- فيصل الرياحي -

يا منفوش الشوشه لا تفرح بالهوشه
لك فرشه مفروشه في ذيل الطياره

- محمد السناني -

حبيب له خطه وأفكاره مختلطه
بيسافر بالقطه في زقم الطياره

- مستور العصيمي -

يا كساي السرحه لا تحلم بالفرحه
مالك غير الذبحه من دون الطياره

- حبيب العازمي -

ليش تذم الهره يا محلا هل الفره
راح وجيهك صره في وسط الطياره

- فيصل الرياحي -

يا مسحرنا الداحه الحجل النباحه
خلك في مرجاحه تسحبك الطياره

- محمد السناني -

عاقل وأرفع نفسي ماأبغى الهرج العكسي
باأوقف راعي التكسي وأطلع بالطياره

- مستور العصيمي -

سولفلي عن ساره خيال(ن) فالغاره
والدنيا دواره ياراعي الطياره

- حبيب العازمي -

يا محمد هرجنا ولا لا تزعجنا
الموقف يحرجنا جنحان وطياره

- فيصل الرياحي -

ساره تسوى ميه منكم يالبسليه
نكست الطاقيه في ظهر الطياره

- محمد السناني -

علمي علم(ن) ثابت بندق صابت صابت
والعقال أرتابت طيري ياطياره

-----------------------------------------------------

- مستور العصيمي-

ساره فلقحناها وتصيح لعزاها
وأنت تشيل أرداها في جوف الطياره

- فيصل الرياحي -
لا تقوم تبلبل ماأنت بخيال البل
ياكاذب يا تنبل طايح من طياره

- مستور العصيمي -

من يكذب غيرك لين تحرف سيرك
أرقص وأندر زيرك في جوف الطياره

- فيصل الرياحي-

ليله وأبرك ليله رز الثعلب ذيله
بالله ويش الحيله ثعلب في طياره

- مستور العصيمي -

أنته ذيل الثعلب تجلس ولا تلعب
يافيصل لا تنشبب في باب الطياره

- فيصل الرياحي-

أنته ولد الجني لاكن أبعد عني
يالطيار الفني خربت الطياره

- مستور العصيمي -

عاشو قوم الخرمه يوم أعطوك الدرمه
وأنته مثل الحرمه في جوف الطياره

- فيصل الرياحي -

لا تذكرنا الحربي يا سحاب الزربي
مع الباب الغربي تدخل في الطياره


أتمنى ان تنال على اعجابكم

لااااااهنت يا ابن المحايا

مشكووووووووووووووور

من اجمل المحااااااااااااااااااورات التي مرت على ساحة شعر المحااوره

بس يا سلاااااااام لو تكون فيديو

مشكورررررررررررر

رحم الله فيصل


وصدق سلطان الهاجري


يقول


اللي داعيتن عليه امه يزعل مستور

ابن عاصي

مرقاب الشمال

شاعر القلطة

الجوراسي


شاكر لكم مروركم العطر

الله يعافيك محاورة اكثر من رائعة

قنوع النفس

تشرفت بمرورك يالغالي

بارك الله فيه
محاوره ملغمة من كل الجهات

سبحان اللي نزلهم سالمين

الف شكر لك
محاوره راائعه

يعطيك العافية يأبن المحايا وأنا أضن حبيب والسناني أحسنا عندما تركا الإستمرار في هذا الطاروق
وعموماً . تسلم على النقل

أبو نايف الروقي



الله يعطيك العافية على هالمرور الرائع