قصيدة موجهه للشاعر الكبير كديميس العصيمي من الشاعر عبدالرحمن الخميس(دحيم)

قصيدة للشاعر عبدالرحمن الخميسي(دحيم)موجهه للشاعر الكبير كديميس العصيمي
مني إلى حضرتك وجهت مكتوب مكتوب به كتبت مضمون قافــــــي
قاف مقفى قاف بالحيل مرغوب يــشبه لـــسلم مقدم لـــلصرافـــي
من شاعر بالشعر له فن وأسلوب مثله مثل شوقي ومثل الرصافـي
ياصلك يا كديميس وكتابي ينوب وعن الزيارة يــابو سلطان كافــي
ياللي تصخر شردِ كلها عوب ولا يــكودنك صــعاب الــقوافـــــي
ولك ما قف وقت المهمات محسوب ما يــاقفه يــا كود رجل سنافـــــي
يشهد على ما أقول مطران وحروب وعتيبة الـــهيلا بدون اختلافــــي
واليوم ياكديميس أنا شفت رعبوب صدفه صدفت أبو ثمان رهافـــي
من شفتها كني على القلب مضروب أوجس بقلبي نــار والله يكافــــــي
من لوعتي دمعي على الخد مسكوب عذرا هواها مسرفن بي إسرافــي
لا سلهمت بـــعيونها قلــبك يـــذوب لا شافها الشايب يصيبه خـفافــي
والحب يجعل عقل الإنسان مسلوب من دش في بحره ما هوب متعافي
لا هوب يصرف له شراب ولا حبوب ولآله علاج في جميع المشافــــي
أنا سهير الليل بالعشق مصيوب ما نيب مثلك في حلا النوم غافـــي
مساقم عن أكثر الزاد محجوب يوم أنت تبلع من سمان الهرافــي
ويا لعود لك من البيض تجروب قلـــبك خذنه لا بسـات الغــــدافـــي
فيما مضى قلبك من البيض منهوب تطرد وراهن وارجفن بك ارجافي
لو ينصحونك ما هقيت انك اتوب متولـــع بمعــسلات الاشــــــــــافي
شعرك مع سعيد بن ودمان مقضوب يوم ان لك شرق الجزيرة ملافــــي
واليوم رحت بصوب والبيض في صوب الــعمر قفـى والـــليالي مــقافــــــي
العود عند البيض ماهــوب مـحـبـوب لـو يــدفع الأمـــوال ظـني يعــــــافي
وشرواك مابه يا ابيض الوجه عذروب ما غـير كـــبر الـــسن ما بك خـلافي
اسمك من كشوف المحبين مـــشطوب وأصل السبب معروف ماهوب خافي
القــاف كمــل وأنت يالــعود مغـلــوب صـفر حكمهــا ماهنـا وقـت إضافـــي
والآدمي لو عـــاش للحق مطــلوب لابـد مـا تــسفي عليـه الــــــــسوافي
وسلامتكم

..

.
يعطيك العافيه
وصح لسان الشاعر عبد الرحمن
وننتظر رد ابو صالح

صح لســـــــــــانه

صح لسانك وإن شاء الله نسمع الرد قريبا"

صحة ابدانكم ,والقصيدة منقولة من الشاعر الخميس

مشكور يالغالي على القصيده ..



وهل عبدالرحمن الخميس .. عتيبي ؟؟ ومن أي العتبان ؟؟


تحيتي لك
..

صح لسانه وظني ما يرد الشاعر الكبير كديميس لانه لايرغب شعر الغزل

اسعد الله مسائكم بكل خير بالنسبة لعائلة الخميس بالزلفي هم من الأساعدة .
ويوجد قصائد بينة وبين الشاعر كديميس وسئـحاول انشاء الله جاهد للحصول عليها.

صح لسان الخميس

وترقبوا رد الشاعر الكبير كديميس العصيمي ( ابوسلطان )