تكفون يالعتبان يافزعة الخيل

تكفون يالعتبان يافزعة الخيل
مها تصيح وتنتخي في عتيبه
أدموعهاتنخى زحول الرياجيل
بليت بصكات الزمان العجيبه
بنت يتيمه ولاوعتها الغرابيل
غير المرض والجوع أم عطيبه
تنخى عتيبه والجمال المحاميل
برد الشتاءء والقيض اكلها لهيبه
قولولها لبيةمعنى وتفصيل
عتيبه الهيلا لمثلك قريبه
حرام ماتشكين يابنتنا الويل
وحنا على البيدا أسيوف مهيبه
أفزوعنا من نخوتك كنها السيل
أما فزعنا عزنا وش نبيبه
تكفون يالعتبان ذباحة الحيل
ياسيوف نجد مدلهين النجيبه
مها ترا برقابكم يالمشاكيل
يافزعة اللى أنتخابه طليبه
عتيبه عتيبه زحول الرياجيل
لبى عتيبه والفخر في عتيبه

[صورة غير متوفرة]



طلال بن هذال صح لسانك


تحيتي

صح لسانك يا طيب

صح لسانك يالشاعر والهيلا اهل المواقف

صح ابدانكم وجزاء الله المتبرعين كل خير ولاهي غريبة على ابناء عتيبة الهيلا لاعدمت حضوركم

تكفون يالعتبان يافزعة الخيل
مها تصيح وتنتخي في عتيبه


أخو نوره

والله ماتنظام وربعها عتيبه من العارض ليآ الحره

وكفـو يآعزوتي كفيتو ووفيتو ولاهي بغريبه علآكم يآتـآج رآسي


وصح لسانك مليون يا الذيب

صح بدنك يالثبيتي ولاعدمت حضورك الراقي

صح لسانك يبن نشار وجزا الله المتبرعين خير