قصيدة للشاعر وصل المقاطي

هذى قصيدة نبطية للشاعر : وصل بن مشهور المقاطي

* كيف أذوق الهنا *
وعنا القلب متعنى زود عنايه & اعذله وانصحه ما يستمع في النصيحه

كل ماقلت حاجة قال أنا وش بلايه & الهوى ما يكب أهل الهوى مستريحه

قلت من فضلك أبا أنشدك شنهو دوايه& كيف أذوق الهنا وعروق قلبي جريحه

قال أبا أوصيك وأنته لاتكب الوصايه& كان تبغا السعادة والعلوم المليحه

زور ديرة عرب خلك و هذى كفايه & يشفى القلب لين يصح صحة صحيحه

قلت أبا أزورها والعلم عند النهايه & المقاطع غبينة و المواصل فضيحه

يا حبيبي ترا لو ما جهنم ورايه & جيتك بدرب ماهو درب شعر و قريحه

مار انا رجل و أحافظ على مستوايه & والرجل يكسب أما ذم وألا مديحه

أنت يا للى حبك من نهار البدايه& باني في وسط قلبي مستحيلا نزيحه

يا ابيض الوجه بعدي عنك ماهو هوايه& بعد تنا الليالي والحظوظ الشحيحه

ياحبيبي من محبتك لو أصيح يم البنايه & سمع صياحي اللي برهاط ومسيحه

وسلامتكم