05-Jun-2007, 11:54 AM
قصيده اتمنى أن تنال شي من رضاكم
كن في صدري لواهيز الرهاف المستحدّه = حدّها العظم الدقاق وفصّت جلال العلابي
ماعدنها الصانع اللي راس مـاله من محـدّه = ماقناها كود قرم ٍ وسط روس القوم رابي
محتزي له بـ أبلج ٍ واليا زعل يضرب بحـدّه = ماتسدّه فالزعل عكف الشباري والجنـابي
إن غدى له حق جابه فايض الحق استردّه = العذارى في ضريبه داربن شق الثيـابي
شوق بنت وعوق بنت ٍ شوقها بالسيف حدّه = ورّده عد المنـايا ياعذابي ياعذابي
كل مـاحلّ المسا بيّح لي الماخوذ سدّه = نابي ٍ جوف الضلوع وكل شر ٍ فيه نابي
لا توسّدت الذراع ولا توسدت المخـدّه = شايل ٍ صم الرضم عن راس طحطوح الهضابي
آه من هم ٍ ياظنـّي لو يجي سكـّان جدّه = صدّروه لـ (حسني امبارك ) وزكـّاه ( الترابي )
رد هم ٍ جاك غادي ود هم وهم ردّه = الجوادّ اللي تخالف وش نزل بي وش رقابي
كلّها في كل حزّه مستعدّه مستعدّه = والفتني ولفة ٍ تزهد عساها للذهابي
كل ماقلت الفرج قالوا لي أنه جاك بدّه = والله أنـّي مانهمت اللا نوابيح الكلابي
عزّي لحال ٍ تنسـّل كل مكروه ٍ يشدّه = عزّتي للي شبابه قطعة ٍ كنه شبابي
كل يوم أقول يالله بالعلوم المستجدّه = والبلا في مستجدّه وأعظمه ماكان غابي
مابناه اليوم صبري هالزمن بكره يهدّه = كومة أنقاض ٍ تخلّي فالفضا مثل الضبابي
حكم الاستعمار قمع وكل فال الشوم ضدّه = والله أنـّه همّي اللي إعتمى بي والتوى بي
أفترد بي كنـّه اللي ماتعشـّى واله مدّه = أدهم عشاه نوّخ مثل تنويخ الركابي
مايحل ولا يحرّم مايبا اعضوده تسدّه = وش يبا السرحان دمّي له تعشـّى من صوابي
مخبل اللي قال ورّه مخبل اللي قال قدّه = من شبع من كف غيره وش يهمّه لو يبابي
وش يهمّه ماضرب بحر ٍ يروع القلب مدّه = وش يهمّه ؟ جل همّه هم ورع ٍ فاللعابي
واللا أنا ماكنـّي اللا من كتب همزه وشدّه = ياضحوك الوقت وافهق إقر ( ممنوع اقترابي )
أسرح بخمس ٍ تقطــّع وأضوي بعشر ٍ وودّه = كانسات ٍ منوة اللي وأن دفنها للنصـابي
أدرج الأفكار وأدله فالفجـوج المجـرهدّه = بين ذيدان الخطايا وسط ريضان الصـوابي
قالوا الجهـّال شدّه ؟ قلت لا عشرين شدّه = قالوا العرّاف دونك ! قلت ياللي ما درى بي
كل شي ٍ له مقاس مفصّله وقمه وقدّه = والثمين اللي يعيّب مادرجته في حسابي
اليدين أوكت صميل ٍ نافخه لو ذار خدّه = مايرد الفايته ملح ٍ على الخدّين ذابي
الفتى يـُقطع يقينه بأمه وخاله وجدّه = قاله الأول تمنـّح وأرتجه وأبليس هـابي
لا تقول الاصل فالخبيث أبا أستهدّه = الله أنـّه لا يبارك فالخبيث امن الضرابي
والزمـان اللي يغض الطرف وأحيان ٍ يلدّه = ماكلفته طق بابي ، وأدري أنه حول بابي
أدري أنـّه ودّه أنـّه يطلق الحجـّان ودّه = والولد وسط العباه وبندقه وسط الجرابي
تحسب أنـّه لو يجي للصدر نشمي ٍ يقدّه = ويش ظنـّك وش يحصّل مع طعامي مع شرابي
دارق ٍ فالعوج مدلول الدهور المستبدّه = كنـّها نحت الصفى ونقوش حمران العلابي
ماتبيد اللا ياربي باضتينك يامصدّه = تستوي مثل العبل حزم ٍ مثل خد الكتابي
عايض النفيعي
كن في صدري لواهيز الرهاف المستحدّه = حدّها العظم الدقاق وفصّت جلال العلابي
ماعدنها الصانع اللي راس مـاله من محـدّه = ماقناها كود قرم ٍ وسط روس القوم رابي
محتزي له بـ أبلج ٍ واليا زعل يضرب بحـدّه = ماتسدّه فالزعل عكف الشباري والجنـابي
إن غدى له حق جابه فايض الحق استردّه = العذارى في ضريبه داربن شق الثيـابي
شوق بنت وعوق بنت ٍ شوقها بالسيف حدّه = ورّده عد المنـايا ياعذابي ياعذابي
كل مـاحلّ المسا بيّح لي الماخوذ سدّه = نابي ٍ جوف الضلوع وكل شر ٍ فيه نابي
لا توسّدت الذراع ولا توسدت المخـدّه = شايل ٍ صم الرضم عن راس طحطوح الهضابي
آه من هم ٍ ياظنـّي لو يجي سكـّان جدّه = صدّروه لـ (حسني امبارك ) وزكـّاه ( الترابي )
رد هم ٍ جاك غادي ود هم وهم ردّه = الجوادّ اللي تخالف وش نزل بي وش رقابي
كلّها في كل حزّه مستعدّه مستعدّه = والفتني ولفة ٍ تزهد عساها للذهابي
كل ماقلت الفرج قالوا لي أنه جاك بدّه = والله أنـّي مانهمت اللا نوابيح الكلابي
عزّي لحال ٍ تنسـّل كل مكروه ٍ يشدّه = عزّتي للي شبابه قطعة ٍ كنه شبابي
كل يوم أقول يالله بالعلوم المستجدّه = والبلا في مستجدّه وأعظمه ماكان غابي
مابناه اليوم صبري هالزمن بكره يهدّه = كومة أنقاض ٍ تخلّي فالفضا مثل الضبابي
حكم الاستعمار قمع وكل فال الشوم ضدّه = والله أنـّه همّي اللي إعتمى بي والتوى بي
أفترد بي كنـّه اللي ماتعشـّى واله مدّه = أدهم عشاه نوّخ مثل تنويخ الركابي
مايحل ولا يحرّم مايبا اعضوده تسدّه = وش يبا السرحان دمّي له تعشـّى من صوابي
مخبل اللي قال ورّه مخبل اللي قال قدّه = من شبع من كف غيره وش يهمّه لو يبابي
وش يهمّه ماضرب بحر ٍ يروع القلب مدّه = وش يهمّه ؟ جل همّه هم ورع ٍ فاللعابي
واللا أنا ماكنـّي اللا من كتب همزه وشدّه = ياضحوك الوقت وافهق إقر ( ممنوع اقترابي )
أسرح بخمس ٍ تقطــّع وأضوي بعشر ٍ وودّه = كانسات ٍ منوة اللي وأن دفنها للنصـابي
أدرج الأفكار وأدله فالفجـوج المجـرهدّه = بين ذيدان الخطايا وسط ريضان الصـوابي
قالوا الجهـّال شدّه ؟ قلت لا عشرين شدّه = قالوا العرّاف دونك ! قلت ياللي ما درى بي
كل شي ٍ له مقاس مفصّله وقمه وقدّه = والثمين اللي يعيّب مادرجته في حسابي
اليدين أوكت صميل ٍ نافخه لو ذار خدّه = مايرد الفايته ملح ٍ على الخدّين ذابي
الفتى يـُقطع يقينه بأمه وخاله وجدّه = قاله الأول تمنـّح وأرتجه وأبليس هـابي
لا تقول الاصل فالخبيث أبا أستهدّه = الله أنـّه لا يبارك فالخبيث امن الضرابي
والزمـان اللي يغض الطرف وأحيان ٍ يلدّه = ماكلفته طق بابي ، وأدري أنه حول بابي
أدري أنـّه ودّه أنـّه يطلق الحجـّان ودّه = والولد وسط العباه وبندقه وسط الجرابي
تحسب أنـّه لو يجي للصدر نشمي ٍ يقدّه = ويش ظنـّك وش يحصّل مع طعامي مع شرابي
دارق ٍ فالعوج مدلول الدهور المستبدّه = كنـّها نحت الصفى ونقوش حمران العلابي
ماتبيد اللا ياربي باضتينك يامصدّه = تستوي مثل العبل حزم ٍ مثل خد الكتابي
عايض النفيعي
