قصيدة وشيله = يامل قلب يسج وفيه دولاجه =

السلام عليكم ورحمة الله وبركاته

يامل قلب تعتبر من القصائد الخالده في عالم الشعر النبطي

وهي لشاعرنا الكبير عبدالله بن عون وشيلة : بصوت الشاعر سعيد أبن رحمه .


يامل قلب ٍ يسج وفيه دولاجه = من هاجس ٍ بالضماير قام يدرجها


في معزل عن جميع الخلق وازعاجه = ما اسمع من الناس لوتكثر لجالجهـا


ماغير اهوجس تقول مضيع حاجـه = آخذ واسند على روحـي واهرجهـا


وادوج لوكـان مارجلـي بدواجـه = ادلّـه النفـس ليـن الله يفرجـهـا


يالله يالي بيـدك الضيـق وافراجـه = ياخالق الخلـق ياقاضـي حوايجهـا


تفرج لعين الذي أغفـت بسوهاجـه = تجهز عليها الطواري لين تزعجهـا


نوب سهرها شديـد ونـوب نهاجـه = ومر تكن الدمـوع ومـر تزعجهـا


عليك ياللـي بقلبـي كـن وهاجـه = وهاج نار هوى الغربـي يسارجهـا


أبـو ثمـان تشـاد اللولـو لعاجـه = كن البرد يوم يضحك فـي مفالجهـا


ياروح روحي وجرح القلب واعلاجه = الطف بحال عليـك الهـم ساهجهـا


قلبي يناجيك بسلوب الهوى .. ناجـه = يشكي لك الحال داخلهـا وخارجهـا


اما التفت لي وتم الوصـل بمواجـه = والا بـلا عشـرة هـذي نتايجـهـا


وش ينفعك من حنين القلب وخلاجه = وجروحي اسبابها انت ولا تعالجهـا

للاستماع لشيله
http://www.5alid.com/najm/yamalglb.rm

حي الله مان العتبان وين الغيبه عدت بموضوع رائع وقصيدة تعتبر معلقه من معلقات العصر لاهنت على نقلها وصح لسان قائلها

الله يحيك ويبجيك يا ابو فايح اسعدني حضورك المشرف وانا موجود طال عمرك ومالنا غنى عنكم يا عتيبه الهيلا . .

مروركــ اسعدني لا عدمنااااااااااااك .

تسلم يمناك يالذيب ..

صــح لسان ابن عون ويسلم ابن رحمة ..

الله يسلمك يا الغالي . .

مروركــ اسعدني لا عدمنااااااااااااااااااااااااااك .

قصيدة رائعة...


لاهنت يالغالي..

تحياتي...

عبدالعزيز الجذع الله يعافيك

ومشكور على مروركـ الكريمـ

لاهنت يالذيب