يكفّي يا العتيبي لو تقول إنّك من عتيبه

بيوت الشعر ما توفي شعورٍ حرّك الوجدان
وفاض به الصدر عقب الوساعه وامتلا شعيبه
كلامْ يوقّف المعنى على رِجلْ ويهزّ آذان
يِشيب اله الولد ويردّ حِلْم العمر للشيبه
وليه اكتم وانا ما الله بجابرني على الكتمان
بغتاب العرب لو فالشريعه تَحْرَم الغِيبه
سلام الله على روس العرب ولاّ على العتبان
صناديد الفخر والمستريب يموت في ريبه
لو التاريخ ينطق ما ترك لاهل اللسان لسان
ولا له غير برقا وروق تاريخٍ يهذري به
لو ان العزّ كان حصان لا يِعسَف ولا ينهان
لقيت أدنى صبي فعتيبه يودّيه ويجيبه
تساميّ يا بيوت الشعر عمّا يجرح العنوان
وهاتي كلّ مضمونه من عتيبه إلى عتيبه
على الشيخ الكبير اللّي صهيله يِفزع الفرسان
سلام الله ، عسى الله يحسن لمثواه ويثيبه
بكى له نجد واهتزّ الجنوب وصاحت الصمّان
على موت الكبير اللّي بقى مجده يماري به
قريته لين قلت الشان عقبه ما بقى له شان
حفظته لين قلت الشعر عقبه من يغنّي به
مواقف تركي بن حميد تقصر دونها الشيخان
لو ان المجد هيّن شفت كلٍ في مراقيبه
عتيبه قبل تركي شامخه وتزلزل الوديان
ومع تركي تلبّسها الفخر والمجد والهيبه
اليا منها اسكنت ماكنّ في مرباعها سكّان
لولا صوت النجر يكفي بصوته عن معازيبه
سلام لمن بغى السلم وتعوّذ من قذى الشيطان
وملجا لمن هموم الوقت تومي به وترمي به
وايلا من حركّوها ياقف المارد ويصحى الجان
تصلّي شرق واللي ما تصلّي به تصلّي به
وايلا من ثار بارود البنادق واحتمى الميدان
تجرّع خصمها مرّ الهزايم واشهب الخيبه
ولازالت على راس الشرف يرجح بها الميزان
من السيف المصقّل فالوغى لللجود والطيبه
حقايق واضحه والجاهل اللي يطلب البرهان
هذاك اللي الحسد خلاّه يسبح في عذاريبه
يجوز إنّه يبيع الما على اللي يحتضر ظميان
ولكن لا يبيع اللي يتصدّق من مشاريبه
هواي عتيبي وساسي يعنّز بي على قحطان
ولا باصله يشكّ إلاّ الوضيع اللي كشف عيبه
ليا من فاخرك من قال كنّا في زمانٍ كان
يكفّي يا العتيبي لو تقول إنّك من عتيبه

كفو والله يا عتيبه أنا إشهد إنكم رجال نخوة وعز ومعزة

الله يعطيك العافية أخوي الهاجري على هذه القصيده الرائعه

صح السااااااانك ياصبي امحلف

وشكرا لك ياصبي حرب ابو عبدالملك

ويستاهلون لابتي العلم الغانم

فالح بن قشعم


بيض الله وجهك وعز الله كفيت ووفيت وأشهدنك شاعر فحل


وننتظرك في شاعر المليون

وسجل أعجابي فيك وفي شاعريتك



أتمنى لك التوفيق

صح لسانك يا فالح
وماعليكم زود يابني هاجر اخوانا وربعنا

صح لسانك يافالح ولاعليكم زود يابني هاجر ذخاير قحطان المجد

صح لسان فالح ولاعلى قحطان زود

ليا من فاخرك من قال كنّا في زمانٍ كان=
يكفّي يا العتيبي لو تقول إنّك من عتيبه


ماعلاك زود يالهاجري ونعم في القبايل كلها

بيض الله وجهك يالهاجري ومايمدح الطيبين الا اللي مثلهم وشرواهم

صح السانك

صح لسااانك

صح لسان يالهاجري والله ماعليكم زوديالهواجر

صح لسان ابن قشعم

صح لسانك وبوحك يافالح قصيده وافيه وجزله ومن شاعر جزل ...
وبيض الله وجهك يالغالي ...

بكى له نجد واهتزّ الجنوب وصاحت الصمّان =على موت الكبير اللّي بقى مجده يماري به
ليا من فاخرك من قال كنّا في زمانٍ كان=يكفّي يا العتيبي لو تقول إنّك من عتيبه


أبيات ثمينه وقيمه،،،، يعطيك ألف عافية يالهاجري وعتيبة تستاهل

يالهاجري

صح لسانك

ولاهنت

وما علاك زود

ولا على قحطان زود

وبيض الله وجهك اشهد بالله اني طربت

اشكر جميع من شرف القصيده



واشكر اعضاء منتديات الهيلا على مرورك الرائع