المجال مفتوح
$ الحــيــران $29-Jan-2009, 08:11 PM
السلام عليكم
يسعدني ويشرفني مجاراة اللي فاضي من إخواني الكرام .
سلام الله على روس الرجال اللي لهم تقدير 000 عدد مالاح براق الخيال وهلت مزونه
نبا الرحلة على عمّان ونواصل ليا كشمير 000 عسى الطيار لامنه مشى يمشي على هونه
معجب العتيبي29-Jan-2009, 08:25 PM
هلا يامرحبا ترحيبةٍ ماطبّها التقصير=من هجوس الضمير وجات للميدان مضمونه
ليامن صار في عمّان لاهل المعرفه تصغير=نواصل رحلة فالجو ياحيران موزونه
$ الحــيــران $29-Jan-2009, 08:37 PM
يدوم إلك البقى ياللي تجيد وتحسن التفكير 000 لو إن وقتك صفى لك ليلتك ماهي بمأمونه
ترى الشرهه تبا تلحق رجالٍ يعكسون السير 000 ومثل معجب ماهو في حاجة رجالٍ يقدونه
حوت البحور29-Jan-2009, 08:47 PM
$ الحــيــران $29-Jan-2009, 08:50 PM
حوت البحور لاهنت يالغالي
امسك الصف الله يخارجني من معجب
معجب العتيبي29-Jan-2009, 08:56 PM
اجل سج القدم وابعد عن اللفات والتغيير=ترا راع الطريق ليا بدا ماترمش عيونه
على وضح النقا بيّن وغيري همه التزوير=ترا بعض الدروب العوج يارجال ملعونه
معجب العتيبي29-Jan-2009, 08:58 PM
صقر جعيد29-Jan-2009, 09:15 PM
الحيران
معجب العتيبي
صحت إلسنتكم متابعين الأبداع
تحيتي
$ الحــيــران $29-Jan-2009, 09:19 PM
طوينا الأرض طول وعرض لاشكوى ولاتأثير 000 ياراعي الموتر اللي ماسحٍ بالليل طبلونه
يامعجب لو نحقق فالعلوم ونأخذ التقرير 000 كشفنا حيلة المحتال لو الناس يطرونه
$ الحــيــران $29-Jan-2009, 09:20 PM
صقر جعيد لاهان راسك يالغالي
معجب العتيبي29-Jan-2009, 09:34 PM
الا ياطير ياللي فالسما حايم والا ياطير=ترا الايام ياطير السعد بالحيل مجنونه
انا بنشدك ياحيران لكن مانبا تبرير=قبل تمشي درست الدرب والا جات ميمونه؟
معجب العتيبي29-Jan-2009, 09:36 PM
صج بدنك ياصقر
وشكرا لمتابعتك
$ الحــيــران $29-Jan-2009, 09:46 PM
ترى ماغر بعض الناس يالصاحب سوى التغرير 000 ومعجب ودي بنصحه لكن قفل تلفونه
أنا حاسب حسابي واعرف التوريد والتصدير 000 ومعجب مايحسب حساب عربانٍ يغشونه
حاكم الغنامي29-Jan-2009, 09:51 PM
الله الله
صحت الالسن والقلووب
متابع
$ الحــيــران $29-Jan-2009, 09:52 PM
لاهنت حاكم على تشريفك ومتابعتك
معجب العتيبي29-Jan-2009, 10:30 PM
غني النفس ماضاقت به الدنيا بوقت عصير=ومعجب حزة الميقاف يالحيران تلقونه
تصدرها توردها تخليها ياوجه الخير=نهايتها عرفناها وعز البيت فركونه
$ الحــيــران $29-Jan-2009, 10:44 PM
تجينا فازعٍ طمعان مدام الدلو فالبير 000 ومثلك مايجينا الا بعد نعطيه عربونه
بلشا ماعرفنا وش نهاية رحلة التطوير 000 نهايتها فزعنا لك ونص الناس مديونه
معجب العتيبي29-Jan-2009, 11:03 PM
الا ياهل النصيحه واجب اهل النصح فالتذكير=وانا ماقول غير ان النصيحه جات مرهونه
نهاية غزوة الغازي رجع يمشي بدون بعير=نسى طعم النصر والفوز يوم الناس يطرونه
معجب العتيبي29-Jan-2009, 11:07 PM
صح لسانك يالحيران
مبدع كعادتك
شكرا لاتاحة الفرصه لمجاراتك
$ الحــيــران $29-Jan-2009, 11:10 PM
الاخ العزيز معجب العتيبي
شكراً من الأعماق على هالدرس المجاني
لاهان راسك يالغالي واعذرني على القصور
