راع الجدعا تفضل
سعد حميد الثبيتي21-Aug-2009, 08:32 PM
ياراعي الجدعا نهنيكم بعدحل رمضان= والتهنيه واجب علينا للرجال الطيبين
والثانيه عطنا علومك مايبالك ترجمان= حاضر بحاضر ياصليب الراس والقلب الفطين
زبن الجعفري العنزي22-Aug-2009, 01:12 AM
باسم الرجال اهل المقام السامي اطوال اليمان= التهنيه ياثبيت نبعثها لكل المسلمين
انا فصيح لسان من قوم ٍ فصيحين اللسان= ياللي طلبت الوايلي سولف و لاترطن رطين
سعد حميد الثبيتي22-Aug-2009, 04:09 PM
حنا عتيبه ياابن وايل مروية حد السنان=وانته تعرف عتيبه الهيلا تروع الغافلين
لكن لاترتاع انا ابعطيك يالذيب الامان=سولف واخذ راحتك والمولى يعين الصابرين
زبن الجعفري العنزي22-Aug-2009, 06:47 PM
والله وعشر انعام يالعتبان من ماض الزمان=لكن حب القمح لطب الرحى عوّد طحين
نحسب معاك علوم واثري عشرتك عادة ثمان= من امس يابن حميد ماانته داين ولامستدين
سعد حميد الثبيتي22-Aug-2009, 09:52 PM
اللي معه جني ليا شاف العصا طار الجنان= وانا محافظ فوق حبي ماظهر وسط الجرين
واشيب عينك ياابن وايل لوندق النقرزان= جاتك جيوش تسحق الويلان في رمشات عين
صاهود24-Aug-2009, 12:29 AM
جاتك جيوشن تسحق الويلان في رمشات عين ههههههههههههههههههه
صح السانك يابو فواز ومبارك عليك الشهر
سعد حميد الثبيتي24-Aug-2009, 12:46 AM
صح بدنك ياالغالي والله يبارك فيك تقبل مروري بكل ود واحترام
زبن الجعفري العنزي24-Aug-2009, 03:10 AM
سعد حميد الثبيتي
صح لسانك وان شاء الله لنا لقاءات بعد العيد
لك عاطر التحايا وتقبل الله الصيام والقيام
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
