ياذيب ياللي فوق روس المراقيب = تّرِك ادقاق العلم ثم هاك جله

السلام عليكم ورحمة الله وبركاته


قصيدة االشيخ// مقرن بن زقاع

في الامير// نايف بن فيحان بن ربيعان






ياذيب ياللي فوق روس المراقيب=تّرِك ادقاق العلم ثم هاك جله
لاجيت ابوفيحان عطب المضاريب=سلم عليه وحب خشمه وقله
وقله ترانا ياحصان الاطاليب=في ظل حكم العرب ثم ظله
وقله ليامنه عوى الذيب لذيب=لومازهمنا كلنا فدوةٍ له
ولاالرخا حوله اميات الاصاحيب=وردٍ على عد الكريم وتِجله
اميرنا يوم ان مابه معازيب=الا الرهيف الهندي اللي نسله
بِه بِني اطنابٍ وقِشع مطانيب=وبه رويت كبودٍ عطاشٍ مغله
وتحت لميعه درهمت شِمخ النيب=نجد ارعته لين شبعت منه كله
ونايف لياجات الامور الاصاعيب=صفات تركي كلها ورثةٍ له
وامارته ماحافها الشك والريب=في مقبل الايام واللي مضن له
ماهي بمارة ختم ولامناصيب=غصبٍ عن خشوم العدا مِستَحله
وسلامتكم[/quote]

صح السانه وبيض الله وجه قايله

ولاالرخا حوله اميات الاصاحيب
وردٍ على عـد الكريـم وتِجلـه
اميرنا يـوم ان مابـه معازيـب
الا الرهيف الهندي اللـي نسلـه
بِه بِني اطنابٍ وقِشـع مطانيـب
وبه رويت كبودٍ عطـاشٍ مغلـه
[صورة غير متوفرة] (http://www.herosh.com)

هذا الشعر الى قيل لك شعر الله يعطيك العافيه يابدر

قصيده جميله من الشاعر مقرن بن زقيع الذي عرف عنه جزل المعنى وقوة شاعريته شاكرا شاعرنا


وشاكرا مرور الاعضاء جميعا

الله الله ..

صح لسانه ويستاهل شيخنا بن ربيعان ..

لآهنت ..

,,,