وش قصة ابن الذئب وابن الجني يالجذع
علي الثبيتي14-Dec-2010, 11:13 PM
السلام عليكم ورحمة الله وبركاته
ومساكم الله بالخير جميع
ابو نايف اقر دوك
تعال يابراهيم واسمع مني//واحسب حسابك زين قبل اتغني=
وش قصة ابن الذئب وابن الجني// اللي كتبها للعرب يقراها=
اللي كتبها يالجذع يقراها=
تعال يابراهيم مافيه معذار= هات الحقيقه لا تضيع الحقيقه!!
ناساً تطبق لعبة القط والفار= يالله عساها كلها في حريقه!!
نواف الشيباني14-Dec-2010, 11:18 PM
وش قصة ابن الذئب وابن الجني
الله الله
صح لساااااااانك ملووووووون
وننتظر ابراهيم وصح لسااااااانه مقدم
فهد الشهيب الثبيتي14-Dec-2010, 11:26 PM
الله الله الله
صح لسانك يابو فهد وصح لسان الجذع مقدما
علي الثبيتي14-Dec-2010, 11:28 PM
نواف الشيباني صح يدنك مليار
علي الثبيتي14-Dec-2010, 11:29 PM
نوآف الغنامي14-Dec-2010, 11:31 PM
ههههههههههه
يا سلآم سلّم
صح لسانك يالعوووود
مبدع وكلآمكـــ خطييييير
:)
بس أنت اولى ماتقول انك تنعس ؟؟
:)
ابراهيم الجـــــذع14-Dec-2010, 11:34 PM
وعليكم السلام ورحمة الله وبركاته
هلا وغلا أبو فهد
الجن يا أبن اثبيت ما أضعف ناعه=وأن شاف عين الذيب صابه راعه
والمسلم إن صلى يجر اكراعه=اللي كتبها للعرب يقراها
قرب من الدله وقرب من النار=وأخذ الك فنجالٍ يداوا الشقيقه
ترا حمام الدار لو غادر الدار=يمكن تعشاه الحرار الطليقه
ابراهيم الجـــــذع14-Dec-2010, 11:36 PM
صحت ابدانكم جميعاً
وحياكم الله كلٍ بأسمه
شرفنا مروركم
علي الثبيتي14-Dec-2010, 11:40 PM
ههههههههههه
يا سلآم سلّم
صح لسانك يالعوووود
مبدع وكلآمكـــ خطييييير
:)
بس أنت اولى ماتقول انك تنعس ؟؟
:)
هلا وغلا يابو عيد وصح بدنك والابداع بوجودك وتراني من البارح انعس عيا يجيني النوم هههههههههه
علي الثبيتي14-Dec-2010, 11:53 PM
العلم سده علم وانته تدري// وترى الذكي يحسب حسابه بدري=
الامر لله المقدر يجري// واللي كتبها للعرب يقراها=
واللي كتبها يالجذع يقراها=
الدله اللي مابها بن وابهار= تبا تسبب داخل الصدر ضيقه!!
كان انت فاهم فالمعاني وبيطار= وقت لها بالثانيه والدقيقه!!
فهد الشيباني14-Dec-2010, 11:54 PM
صحت الالسن والقلووووووب
متااابع
علي الثبيتي14-Dec-2010, 11:56 PM
ابراهيم الجـــــذع15-Dec-2010, 12:19 AM
اليا بدا لك علم عده عده=واشره على اللي ما يجيك برده
يا الصاحب اللي ما هرج من جده=اللي كتبها للعرب يقراها
اللي كتبها يا على يقراها
عندك خبر لكن ضيعت الأخبار=أبو فهد ما شفت هجمت فريقه
الطايره ما جالها اليوم طيار=طيارها غايب و ورط رفيقه
هجاد الثبيتي15-Dec-2010, 12:22 AM
صح السااانك يابوفهد و صح السانك يابونايف
متااااابع
عناد الشيباني15-Dec-2010, 12:23 AM
يااااسلام
صح الساااانك
بتنظار الجذع
ابراهيم الجـــــذع15-Dec-2010, 12:27 AM
صحة أبدانكم جميعاً
يشرفنا مروركم ومتابعتكم
علي الثبيتي15-Dec-2010, 12:42 AM
العلم حولك وانت منته حوله//وتيقى صديقي لو خسرت الجوله=
لكن قل وش موقعك فالدوله// واللي كتبها للعرب يقراها=
اللي كتبها يالجذع يقراها=
غروك مخلفة الهقاوي والافكار=وانا على ماقلت عندي وثيقه!!
ترى الحذر ياخوك مارد الاقدار= والسر في قاع البحور العميقه!!
علي الثبيتي15-Dec-2010, 12:44 AM
هجاد الثبيتي15-Dec-2010, 12:47 AM
ههههههههههههههههه اشطف الموتر مع اليمين يابوفهد
صح السانك مليووووون
الليل الليل يابو نايف
علي الثبيتي15-Dec-2010, 12:52 AM
لا لا ياهجاد العود مايحب السرع خخخخخخخخ
ابراهيم الجـــــذع15-Dec-2010, 12:57 AM
تراك مسرع والطريق مراقب=تبا تعاقب مير رحت معاقب
الكل شيطانٍ شهابٍ ثاقب=اللي كتبها للعرب يقراها
اللي كتبها يا علي يقراها
معك استشاري يحكم الراي والشار=ويعالج الوجعان بأحسن طريقه
ميز بردك وأفهمه يا أبن الأحرار=الذيب دايم صيدته ما تعيقه
مرزوق الجعيد15-Dec-2010, 01:01 AM
الله الله
ابداااااااااااااااااااع
وطاااااااااااااااااروق جزل
صحة الالسن والقلوب جميعا
علي الثبيتي15-Dec-2010, 01:15 AM
ابو نايف صح لساااانك مليون وابيض وجه
والشكر موصول الى جميع من شاركنا وبيضان وجيه
علي الثبيتي15-Dec-2010, 01:16 AM
ابراهيم الجـــــذع15-Dec-2010, 01:19 AM
صح بدنك يا أبو فهد
شرفتني بالدعوه
وتشرفت باللعب معاك
خلف المطيري15-Dec-2010, 02:19 AM
الله الله
صحت الالسن والقلوب جميع
يالنشمي لا عاد تطلب الجذع
عشان ماتحرجني الشعار واجد
ابراهيم الجـــــذع15-Dec-2010, 02:29 AM
هلا وغلا أبو عبدالله
صح بدنك يا الغالي
تراني انبسط باللعب مع ابو فهد
لا تقول هالكلام يأخذها حجه
تراه تنفعه المعذره هههههههه
علي فلاح العضياني15-Dec-2010, 02:47 AM
ابو فهد و ابو نايف
صح السنتكم طاروووووف فايف ستار
لله دركم
ابراهيم الجـــــذع15-Dec-2010, 02:50 AM
هلا وغلا أبو فلاح
صح بدنك يا الغالي
مرورك بحد ذاته فايف ستار
شرفنا مرورك
آلـقنوٍْعي.!ًٍالعـتـيبـي!15-Dec-2010, 04:37 PM
الله الله
صح لسسآنك ..[ آلـجذع ..] ..< يابن العم
.. وصح لسسسآنك يآ [ الثبيتي ] ..
ابراهيم الجـــــذع16-Dec-2010, 02:51 AM
هلا وغلا أبن قنوع
صح بدنك يا الغالي
شرفني مرورك
