من قصائد الشاعر حامد عبدالله العتيبي

هذه القصيده قالها الشاعر:
حامد عبدالله العتيبي
في الزمان واحداثه
ويقول
يابو محمد جتني افكار باليل&&وشفت التحدي في زمان الغليبه
ابيع واشري لو مالي مداخيل&&واصبحت مثل اللي يطيح بقبيله
الدين واجد والعرب مالهم حيل&&ماعاد تلقي من يسلف قريبه
مرت عليناايام فيها تهاويل&&يعرف بها الطيب ويذكر بطيبه
ايام حلوه جت وراحت تماثيل&&والى اعتلى حظ الفتى من نصيبه
قدام نعرف صاحب القال والقيل&&اهل الوجيه البارده والغضيبه
هدامه المجلس لهم دور في الجيل&&ياكثرهم بارض التراث الحبيبه
وان قلت فيهم شي يغدي بك السيل&&كانك على راسك تشيل المصيبه
جربت في الدنيا وشفت المحاصيل&&فيها الرجال اصناف دنيا غريبه
رجال تنصي به وجيه الرجاجيل&&ويحل كربات الزمان والصعيبه
ورجال لو يعجبك جسمه كما الفيل&&مايعرف الواجب ولاينعدي به
ورجال ياخذها بفكر وتماهيل&&والعجل مايخطيه شيئ يصيبه
ورجال دكتور الرجال المهابيل&&يعالج الرضان حتى يجيبه
ورجال فيه من الوفاء كل تكميل&&لو يطلب دعوته مستجيبه
ويستاهل الدله وبيض الفناجيل&&من عز جيرانه وقدر نسيبه
يصبر لعثرات الزمن كل حلحيل&&وان وقعت في دفته ماتعيبه

مرت عليناايام فيها تهاويل&&يعـرف بهـا الطيـب ويذكـر بطيبـه

طويل الذراع

صح السانك والسان حامد

تحياااااااااااااااتي

مناحي

تشكر على مرورك وردك المشرق

طويل الذراع ..

ماقصرت وبيض الله وجهك..

صح السانك والسان حامد..