اخر قصيده لي من حوالي سنه

السلام عليكم ورحمة الله وبركاته

والله ياعيال العم لي مده ماكتبت شعر بسباب خاصه وراح انشر لكم قديمي وانشاء الله ينال على رضاكم ويحوز على اعجابكم ولكم ذي القصيده بمناسبة اليوم الوطني العزيز على قلوبنا دولة حكام وسلاطين وهي بعنوان :


أم الغلا:



أم الغلا قصيدة وطنيه


حبا بقلبي مابه أحدن يباهيك000حبا ورثته من قديم الجدودي



يام الغلا ذقت الغلا بين اياديك000وبحضنك الدافي تقوت زنودي



حبك بقلبي لك نذرته وبأوفيك000نذرن علي اني لوفي عهودي



ايوالله افخر وافتخر بك واغليك000ولي الفخر لا قالو اني سعودي



ياديرتي غني وهلي براعيك000قايد مسيرتنا مثبت وجودي



اللي رفع بالحق راية واليك000اللي خدم مكة وطيبة شهودي



هذا الفهد فهد العرب من يجاريك000يخسر ويتعب من يجاري الفهودي



ايوالله أنا بالمحبه نهنيك 000ليوم الوطن حنا نزف الورودي



اهديتنا بالمجد وبالعز نهديك000بارواحنا نفدي شبر من حدودي



يشهد لنا الخفجي وتشهد مباديك000وشهد بها التاريخ قبل الحسودي



وفي عز ابو متعب سعدها لياليك000اليا وعد يوفي صدوق الوعودي




ولي عهد وبالولا حيل يغليك 000وحنا لبو متعب غلانا يزودي




ياديرتي بفخر وابفخر وابغليك 000بالذات لا قالوا علية سعودي


وسلامتكم

اخوكم

سطام بن سلطان بن فهيد:)

قصيده جميله

بجمال كاتبها

ومازلنا ننتظر

قديمك مع جديدك

والوطن يستحق منا ذلك

الولاء لله ولرسوله والمؤمنون

مشكورين على ردودكم

ولكم جزيل الشكر والتقدير


ولكم تحياتي


اخوكم



الـــــــــــــوافـــــي


سطام :)