شاعر الغبيات .. اذا مايكحل عيون الخصم والمكحل يمره

صباح الخير والرجال شعره مايزيده / قيل ..
اذا مايكحل عيون الخصم والمكحل يمره !!
قرينا موحز النشره ولاهو مقنع التحليل
ولا به مري يضيع طريق الارض والجره !!

صح لسانك ولسان ابو مطلق مقدمأ

مرحبا بـ / ادارة اقسام القبيله


صح بدنك :)

صباح النور ياجزاع وانته من ظهر حليل=أقولها وانا ربعي من العرض ليا الحره

الا ياكثر ناسن عندهم خبره على التظليل= ومن لا يعرف الجمره يبا يمشي على الجمره

صح بدنك اخو جوزا

لا والله ماعليكم زود تبرك للحمل ياشعيل=وقامت يمك اربوعك تلد العين محمره
علامك ترجع تعيد الخبر والعلم به تسجيل=يذيعون الخبر بكره .. يقولوا / عاود الكره

صبـاح النـور ياجـزاع وانتـه مـن ظهـر حلحيـل

اظنها هكذا يابن مطلق مير انتبه للأخطا المطبعيه الي تودي بداهيه هههههه

انا مخطيت وابغى منك ترجعلي على التفصيل = تغربها 100 مره تشرقها 100 مره

واذا عندك خبر مضمون هاته واسمع التعليل = وانا ما اندم على ما قلت واقوله وابا اكره

العجله ياخوي ههههههههههه
صادق

لا وازيدك من الشعر بيت
من العرض
من العارض ليا الحره


الظاهر انك مروعني علشان كذا ماعرفت اكتب

هههههههههههههههههههههههههههههه

طيب طيب


ترانا ما ذكرنا فيك غيره .. مالكم تبديل=وكانك ماوحيت العلم .. خل العلم بالمره
نبا نمزح معك لكن قل انته من ايا جيل=عشان امد الك فنجال معه علوم مفتره

العجله ياخوي ههههههههههه
صادق

لا وازيدك من الشعر بيت
من العرض
من العارض ليا الحره


الظاهر انك مروعني علشان كذا ماعرفت اكتب

هههههههههههههههههههههههههههههه

ههههه

الله يستر منك السلامه مكسب لي :)

انا اشوفك تشتني ولا ينفع معك تأويل = وانا اشوف الهوا لخبط علينا برده وحره

انا مني ظهور الخيل تشكي من ظلام الليل = وفنجالك يجي غيري وياخذ خيره وشره

:)

حلمت بليلة الجمعه ببن مطلق غرق فالنيل=وطاح من العيون ولا لقي له علم يسره
وانا اشهد محد يجيبك ليا منك ركبت الخيل=على ماقيل يوم ان المعارك كره وفره

ترا ماهمني حلمك بلا شكه ولا تقليل = ولا احدن مالين عيني من الصمان للبحره

سفاسيف العلوم اللي تجينا مع هل التمثيل = ترا لو صابتك غره انا ما صابني غره

ترى ماانته بـ / عبدالله و لا غازي ولا الحبيل
وانا ماضاع لي ويا العرب مايازن الذره !!
مالومه كيف يضحك لا رماه الله بوجه السيل
حليله لو يقول انه تعدى الموج ما ضره !!

انا معي دربيل واهمه وضعهم دايم هزيل = والعلم اله صدر وظهر والله يكافينا ظهره
70 فالميه غبي و 20 فالميه هبيل= واللي صفى منهم ياخويه بس مغير عشره

صحت السنتكم

ومتابع لكم .. مع هالاجواء الزينه

صح بدنك ولا هنت متابعتك شرف

صح ألسنتكم وواصلواا

صح ألسنتكم وواصلواا

صح بدنك شرفتنا

انا معي دربيل واهمه وضعهم دايم هزيل = والعلم اله صدر وظهر والله يكافينا ظهره
70 فالميه غبي و 20 فالميه هبيل= واللي صفى منهم ياخويه بس مغير عشره

انا ماذم خلق الله ونعرف كل له حصيل=وبعض الناس في عيونه يرش الملح ويذره
ترى الشرهه ماتلحق كود للي مايجيب الميل=وباق العلم خله وحفظه في داخل الصره

خالد الدلبحي .. وخيال الصبيه

صح بدنكم

ولا هنتم على التشريف


واقول لأبو مطلق صح لسانك ولا فيك حيله

والختام عندك

اسوق للابطال والريجيل بنن فيه هيل = لاكن اشوف اهل الوفا والطيب وسط المقبره

وختامها مني سلامن ياولد وزنه ثقيل = ناقف هنا ياصاحبي والمعذره والمعذره

اسوق للابطال والريجيل بنن فيه هيل = لاكن اشوف اهل الوفا والطيب وسط المقبره

وختامها مني سلامن ياولد وزنه ثقيل = ناقف هنا ياصاحبي والمعذره والمعذره


صح لسااااااانك


ولا جا منك قصور يابو مطلق وافي

صح بدنك
ياجزاع