طلت حبيبي كنها طلت سهيل \\ جديد

السلام عليكم[صورة غير متوفرة]
صباحكم خير :zz23:
قصيدة جديدة ليّ يارب تحوز على رضاكم
يقول


طلت حبيبي كنها طلت سهيل=يبطي لكن شوفه يجيب البرادي
يمطر على نيران قلبي مخاييل=وأما الجفا يصبح هشيم ورمادي
ويحيل شوقه والمحبة كما السيل=يسيل في قلبي كما سيل وادي
ينبت بها زرع الهوى والمواصيل=وثمر السعادة من مطرها حصادي
هذا ترى وصف(ن) بسيط وتحليل=بس أعذروني لو يقل إجتهادي
هذا أمير الحب يحتاج تدليل=واليا بغى يأمر بليا عنادي
لالا تلومون العقل يارياجيل=مابه مثليه بنظري وإعتقادي
في ذمتي أنه وحيد(ن) بذا الجيل=الكل عادي بس هو غير عادي
يازين شوفه فأول وتالي الليل=والجو هادي والهوى صار هادي
أنا أحبه حيل بل أعشقه حيل=لأنه على زين الغنادير سادي
قولوا له أنه في عيوني كما سهيل=لكن طلبته لا يطول البعادي



وسلامتكم

تقييمكم لها إذا كانت تستحق

رائد[صورة غير متوفرة]

صح لسااااااااااااااااانك والتقييم منتاز

الله يكثر امثالك يارايد انت شاعر رائع واكثر من رائع
اغلبيت الشعراء على الساحه ما جبو مثل قصيدتك
الا ان كل قصيده لابد يوجد عليها ملاحظات مهما
كان شاعرها فهذه القصيده انتاج شاعر بما تعنيه كلمة شاعر
صح السانك

..


صح لسااانكـ , يامبدع.



.....

صح لسانك يا رائد

مافيه شك انها اعجبتنا القصيده


تقبل مروري

صح لسانك

تقبل اطيب تحيه

صـــــح لســانـكـ

ماقصرت يارايد

ابيات جميله ولايقل مستواها عن ماقبلها, من ماوجدت لك قبل كذا على ماعتقد

شكرا تقبل

مروري