الغاز مطلوب منكم المشلركة في حلها

السلام عليكم
اشكر المنتدى والقائمين عليه
كما اطلب من الأخوان الأجابة على الغاز لاحد الشعراء سواء شعرا او نثرا ولو بعض الالغاز ويستحسن ان يكون الحل كاملا

واليكم القصيدة

ياقصيدي لا غفا الليل واقفا في سبات ×××× علمه وشلون يصحا ضميره لا رقد

واسئله عن قصة الكهل والسبع البنات ×××× سبع تنافت مع قل هو الله أحد

والكهل له عدة اسماء وله عدة صفات ×××× بين وخافي يحب المنازع والحسد

له ثلاث اسماء وانا اقول يالله النجات ×××× جعل ما هو لي صديق وما هو في البلد

واسئلة وش قصة اربع طعش متتاليات ×××× فيهن المر المرير ووسطها طعم الشهد

سبع منهن قاسيات عظام مهلكات ×××× وسبع فيهن الناس تفرح اليا دن الرعد

واسئله وش اسم ناطق ماله شفات ×××× يدعي العالم وصوته يبشر بالسعد

أبدوي يزعج الصوت من بعد الصلات ×××× فيه حياته ما ركع لله ركعة أبد

واسئلة وش اسم راعي فعول طيبات ×××× مجلسه مجلس نشاما وهو نشمي بعد

ياكثر ما سولوفوا به وبافعاله روات ×××× مع هذا كله ولا مد له فنجال أحد

واسئله عن بنت اصغر شوي من النوات ×××× فضلها على ابن أدم سواة جبل أحد

في بحر تسبح ويمشي بها علم ثبات ×××× ما تفرق بينها الناس بنت ولا ولد

واسئله عن واحد له ثلاث محركات ×××× ان وقع فيهن صحا وان سلم منهن هجد

واسئله عن قصة السبع سبع معجزات ×××× القليل اللي من الناس فيهن رشد

الهن عيال مشاهير ولهن بنات ×××× امهن منهن وفيهن وهي سابعتهن بالعدد

واسئله عن شي اسمه يورده الممات ×××× لا ذكر اسمه توفي ولا طب اللحد

ياخذ من جبال السراة بعض الصفات ×××× والمصيبة له عدو صغير في المهد

فيه حكمة للملا والعقول الراجحات ×××× نوب يجنبك شر المشاكل والنكد


وشكرا لكم

علما ان الحل سوف يعرض على الشاعر ثم يطرح في المنتدى

وين عتيبه وين شعار المحاوره وين الي يدعون أنهم فطاحلة أشعر


لغز من أجمل الالغاز التي مرت علي ولم يحل أو يحاول لو واحد


أنا اعتبر الذي لم يحل الألغاز انه لم يكون شاعر بتاتن







ياقصيدي لا غفا الليل واقفا في سبات = علمه وشلون يصحا ضميره لا رقد

واسئله عن قصة الكهل والسبع البنات = سبع تنافت مع قل هو الله أحد

والكهل له عدة اسماء وله عدة صفات = بين وخافي يحب المنازع والحسد

له ثلاث اسماء وانا اقول يالله النجات = جعل ما هو لي صديق وما هو في البلد

واسئلة وش قصة اربع طعش متتاليات =فيهن المر المرير ووسطها طعم الشهد

سبع منهن قاسيات عظام مهلكات = وسبع فيهن الناس تفرح اليا دن الرعد

واسئله وش اسم ناطق ماله شفات = يدعي العالم وصوته يبشر بالسعد

أبدوي يزعج الصوت من بعد الصلات = فيه حياته ما ركع لله ركعة أبد

واسئلة وش اسم راعي فعول طيبات = مجلسه مجلس نشاما وهو نشمي بعد

ياكثر ما سولوفوا به وبافعاله روات = مع هذا كله ولا مد له فنجال أحد

واسئله عن بنت اصغر شوي من النوات = فضلها على ابن أدم سواة جبل أحد

في بحر تسبح ويمشي بها علم ثبات = ما تفرق بينها الناس بنت ولا ولد

واسئله عن واحد له ثلاث محركات = ان وقع فيهن صحا وان سلم منهن هجد

واسئله عن قصة السبع سبع معجزات = القليل اللي من الناس فيهن رشد

الهن عيال مشاهير ولهن بنات = امهن منهن وفيهن وهي سابعتهن بالعدد

واسئله عن شي اسمه يورده الممات = لا ذكر اسمه توفي ولا طب اللحد

ياخذ من جبال السراة بعض الصفات = والمصيبة له عدو صغير في المهد

فيه حكمة للملا والعقول الراجحات = نوب يجنبك شر المشاكل والنكد

الف شكر لك لك ياراع الحامدية وعقبال الحل

الاخ سنايدي المحترم حاولت قدر الاستطاعه ان احل الالغاز والله كريم

انكان ماني غاوي هذا القول الثبات .... رمعه(ن)تصيب ولا ماضرت احد
البنات السبع اظن هن الموبقات ........ والعود ريسهن ابليس جعله في اللحد
................................
وثالث الالغاز النجر محمود الصفات .... يدعي الخطار حسه ليا دن بجهد
ورابعن المحماس اخو الدلال المكرمات .... ليا صار له معزب نشمي وولد
والخامس الي تقول اصغر من النوات ...... النمله الي تقرش كل شي تجد
.............................
والسابع الي تقول سبع معجزات ........... ايام الاسبوع معروفه بلا نشد
والثامن الي اسمه يورد للممات ........... هذاك الذهب والله عليم بالرشد

ارجو السموحه على القصور عن اللغز الثاني والسادس
ولا كلف الله نفس الا وسعها
اخوك \ ابن فرحان

الف شكر لك يابن فرحان على الرمعات

وسوف نوافيك بالإجابة حينما تكتمل الردود من بقية الشعار والمتصفحين

والف شكر

سنايدي

سنايدي ياسنايدي وشخبار حلي للالغاز ماجات النتيجه للحين

ابن فرحان

شكرا ياولد فرحان وجعلك دايم فرحان

الموضوع لم يتفاعل معه شعار المنتدى وزواره الكرام كما هي عاداتكم ياهيلا

ولذلك سوف ننتظر بعض الوقت قبل اعلان النتيجه وشكر لك مليون في مليون واثني التحيه

انتظر على كيفك يا سنايدي ما من اعجله بس الغريب المنتدى مليان من الشعار .. لكن التفاعل ضعيف والله كان ودنا يكون فيه منافسه وتحدي وحركه في المنتدى !!! مشكور على كل حال

اخوك \ ابن فرحان

لغز أكثر من رائع وتشكر علاة ياسنايدي ويجب اعطائة اكبر وقت ممكن

ياهجوسي سيري وانطقي علم ثبات
لايضيع المبتغى ولايضيع ابك الجهد
الكهل لة عدة اسما ويسعى بالشتات
دايم لة حكمة نصها فرق تسد
والسبع لن كان ماني بواهم موبقات
حدر اللة من وصلها بقصد ومعتمد
وان وصلت الناطق اللي نطق مالةشفات
رادين ينقل كلام المديع ولا يزد
وراعي الافعال نجر مكرم فالحيات
كل مادندن تجية الرجال اهل الوجد

وانواة اللي تقول اعتقد وسط ضلمات
اللة اللي ينفخ الروح فيها فالوعد
الأخِِِ/سنايدي
ارجو ان اكون موفق فالحل مع اني كنت على عجل

الصارم


ونشوف سنايدي


من ماتوقع يكون حلك صح بس

بس والله من لقافت سنايدي يمكن يقول باقي نشوف الباقين

شكرا لك ياراعي الحامدية

بارك الله فيك يالصارم والشكرك وننتظر المزيد

انت جبتنا الصمرقع

الرجال الي تعبو وحاولو حل بعض اللغاز مدري حلو منهاشي أولا

انت جلبة الياس اللجميع معاد أحد محاول ومنهم انا والله خفت عقب مكان عندي رمعات يسنايدي

وين اهل الحلول استسلمتوا نطلب من راعيها يوافينا بالحل؟ ولاعندكم رمعات مثل
ابن فرحان والصارم مشكورين؟

راعي الحامديه ليتك ترمع ؟ خابرينك راعي رمعات جيده لكن ماشفنا منك محاولات

اسمحلي

راعي الحامديه ويش الخوف هذا هل اللاغاز صعبه الى هالدرجه

لاكن بنسبه لي ارجو السموحه ونت خابر

ولي غيري يردون عن افسهم

مسموح يالغالي ولكن تراك مفوض في نقلها لمنتدى أخر ؟

وابك عجلو بالحل ترا ماصارت

اخوي سنايدي ...

شكراً على اللغز الجميل

الحل هو ..........

1ـــ ياقصيدي لا غفا الليل واقفا في سبات ×××× علمه وشلون يصحا ضميره لا رقد

واسئله عن قصة الكهل والسبع البنات ×××× سبع تنافت مع قل هو الله أحد


(( السبع الموبقات ))

2ــ ـوالكهل له عدة اسماء وله عدة صفات ×××× بين وخافي يحب المنازع والحسد

له ثلاث اسماء وانا اقول يالله النجات ×××× جعل ما هو لي صديق وما هو في البلد

(الكهل ابليس لشيطان الرجيم)

3ـ واسئلة وش قصة اربع طعش متتاليات ×××× فيهن المر المرير ووسطها طعم الشهد

سبع منهن قاسيات عظام مهلكات ×××× وسبع فيهن الناس تفرح اليا دن الرعد

(الاربع طعش هي .. السبع السموات والسبع الاراضين)

4ـــ واسئله وش اسم ناطق ماله شفات ×××× يدعي العالم وصوته يبشر بالسعد

أبدوي يزعج الصوت من بعد الصلات ×××× فيه حياته ما ركع لله ركعة أبد

(( الد يــــــــــــــــك ))

5 ـــ واسئلة وش اسم راعي فعول طيبات ×××× مجلسه مجلس نشاما وهو نشمي بعد

ياكثر ما سولوفوا به وبافعاله روات ×××× مع هذا كله ولا مد له فنجال أحد

((( القــران الكــــريم))

6ــواسئله عن بنت اصغر شوي من النوات ×××× فضلها على ابن أدم سواة جبل أحد

في بحر تسبح ويمشي بها علم ثبات ×××× ما تفرق بينها الناس بنت ولا ولد


(( النطفـــــــــــه))

7ـــــ واسئله عن واحد له ثلاث محركات ×××× ان وقع فيهن صحا وان سلم منهن هجد
(( الطــــــــــــلا ق ))

8ــــ واسئله عن قصة السبع سبع معجزات ×××× القليل اللي من الناس فيهن رشد

الهن عيال مشاهير ولهن بنات ×××× امهن منهن وفيهن وهي سابعتهن بالعدد

( ................) يمكن ايام الاسبوع ما ني متاكد

9ـــــ واسئله عن شي اسمه يورده الممات ×××× لا ذكر اسمه توفي ولا طب اللحد

ياخذ من جبال السراة بعض الصفات ×××× والمصيبة له عدو صغير في المهد

فيه حكمة للملا والعقول الراجحات ×××× نوب يجنبك شر المشاكل والنكد

((( الســــــــــــــــــــر )))


لكم مني فائق الاحترام والتقدير



شاعر الوجدان

الروقـــي