السلام عليكم الطارف الله يحييه

مرحبا يا مرحبا والنار في وسط الذخيره=جات في يمنىٍ تعشق الخيل وضهور الصايل
جونا جو الركاده والبلد خيرٍ وخيره=وصيفنا صيف الجنوب ونجد لين جبال حايل

جات في يمنىٍ تعشق الخيل وضهور الاصايل


مبدع ياسهم


سلم راسك

وبانتظار من يجاريك

البقا ثم البقا ياللي فتح قصه وسيره
والنعم ياممتطي ضهر الأصيله ويش طايل

جعل جوك دوم راكد في خضر عشبه غديره
كل ما يبرق خيال اعيونك البرقه تخايل

يا شليويح ابن ماعز لو ترا سلك الضفيره= كان تعذر فالجهام وتنسدح حيد الضلايل
يالعطاوي سيفي المسلول مايبغى جفيره=احتزم وعرف طريقك لا تضيع مع القوايل

العازمي
صح بدنك
والابداع وجودك جعلك نسلم
لاهنت وشكراً

ياهشيم ٍ من هشامه يحرقه صلو السعيره
حملوه وسرحوه وضاوي ٍ بالحمل شايل


وشتبا بالسيف ياللي من ورا ضهرك شطيره
وش ندل وش نضيع وانت في ممشاك عايل

صحت الالسنه والقلوب

صحت الالسن والقلوووووووووووووووب

انت حامي للمواقف مير عميان البصيره=بعض امورك يالعطاوي ما تجيكم بالصمايل
وقفتك وقفة كفو لو منته براعي كبيره=ادع وبدعي لربي ليتني بسوق حايل

ذيب عروا والحوت
صحة ابدانكم
اشكركم على المرور

وانت حفار ٍ نثيله راجع ٍ في وسط بيره
من عمارك في دمارك لين بانت لك دلايل


وقفتي وقفت رجال ٍ في مواقفها خبيره
لو تجي بالسوق حايل ملت يوم الكيل مايل

لا تنام الا موثق كل شك وكل حيره=طيبها يا صاحبي من بيننا زين المثايل
شبة انيران لكن اطفة انيران نيره=نحسب حساب الهروج ونحسب حساب القبايل

الحكيم اليا حكمها للأسد يشبه زويره
وانت تبني فوق ساس ٍ كل مانشته تهايل


لوتشب النار مثلك ينحر وينحر بعيره
لو تعذر عن كلامك مادرت روس الحمايل