حياك الله يالبواردي ودنا نمزح معاك

ياسلام الله سلامه ملت الاجوادي=من هجوس اللي بدعها طيبن مذهبها
المعاني يابوردي بندق ن وزنادي=وإترس البارود وانا بندقي جالبها

مرحبا يالاصمعي ياللي عليّ تنادي=من هجوسن لا توحت للشعر يطربها
الفتيله والمه والوضع ماهو عادي=وبندقي مشتالها مايختلف مضربها

صح السانكم ,,,,,,,,,,,,,,,,

واتمناء لكم التوفيق

تحياتي ,,,,,,,,,,,,,,,,

لا تروح إبعيد لا تشمل علي بغدادي=رمينا ماهو عليكم واحذر إتعاقبها
ودنا نقنص جزاله لو تمر إجدادي=صيدة القرقاح جزله وعلت ن صايبها

يامرحبابك ياولد حمد شرفت

كل واحد يحسب انه المحيط الهادي=ولو يحول وسط بركه يمكن يغرق ابها
الجزاله عهدنا ابها مع خلف فالرادي=مابقي غير الدوادي خلك محاربها

عزت الله يافطين القوم ما انته غادي=إبتلانا وإبتليته كانك إتعربها
خابرينه مير سمه واحدن حسادي=يوم ربي غاضب ن جذع النخل قالبها

ان ضحك له عمدة الحاره يجي متحادي=ولا زعل عليه جا رجلينه يحبحبها
افطنو ياربعنا بين العرب نقادي=والسوالف من يباها يعرف يرتبها

اصمعي عتيبه

و


البواردي



صحت الالسن

الكرامه ياصحيبي تكره الموسادي=عمدة الحاره ذهين وحسبته يحسبها
ساهرن ليله معانا ماهو إبرقادي=وانت تعرف مذهبه يومنك إتقاربها

حياك الله يافايز العتيبي
نورت يالغالي
متابعتك شرف لنا

اصمعي عتيبه تستحق الشكر واللقب.


واعتذر منك .. النوم سلطان


صح لسااانك وبيض الله وجهك والجايات اكثر


تحيااااتي لك ...

انت اللي تستاهل لقب شاعر يابعيد النظر

اشكر الطاروق هذا المميز اللي جمعنا


كان ودنا نكمل
لاكن الوعد قدام والحي بيشوف


بيض الله وجهك