نداء من الشمري إلى عتيبة

السلام عليكم ورحمة اللة وبركاتة

انا شاب سعودي وابي الفزعة منكم ياعتيبة وابيكم توصلوني لشاعر خلف بن هذال العتيبي
في موضوع انساني تكفوون اللي يعرف بيتة او يعرفة شخصين لا يبخل بالرد ((والدال على الخير كفاعلة))
.........................


وتكفووون يالهيلا انا بوجيهكم

ابشر يالشمري ان شاء الله الاخوان مايقصرون


تحيتي

ابشر يا الشمري وان شاء الله ان الاخوان يفيدونك

و بيت اللواء خلف بن هذال في محافظة ساجر معروف لمن بغاه
بامكانك زيارته في بيته بكل سهوله

طيب تعرف عنوانة بساجرر وانت متأكد اخووي ان بيتة في ساجـــر

تعم بيته في ساجر ومعروف على مستوى المنطقة

ساجر اهلها بعضهم يعرف بعض , ليا جيت هناك اسأل عن بيت خلف ويدلونك.


تحياتي

زي ماقالوا الأخوان سهل الوصول إليه إذهب لساجر وهو معروف بيته ومزرعته حسب ما أسمع غنها مشهوره هناك وأنت إذا رحت إن مالقيت الشاعر نفسه بتلقاء أكيد تلقى من أبنائه أو أقاربه وتنسق معهم

،،

و أنت من قبيلة لها تقدير عند خلف بن هذال والدليل هذه البيتين

مراجل(ن) يشقى بها كل رجال ،،، افلاس بايعها نواميس شاري
يكفيك ابن هندي ومسلط وهذال ،،، ومن شمر العاصي وبرغش وضاري

السلام عليكم ورحمة الله وبركاته



على الطريق العام

لارحت ساجر وسالت عن بيت خلف تبي تحصله

والله يسد حاجتك يالشمري

انت عند ربعك ومايعسرها ربك ونت وسط الرياجيل

وعليكم السلام ورحمة الله وبركاتة

هذه صورة لموقع منزل اللواء خلف بن هذال أتمنى تفيدك

منزل خلف بن هذال :أضغط هنا (http://wikimapia.org/3576181/ar/%D9%85%D9%86%D8%B2%D9%84-%D8%A7%D9%84%D8%B4%D8%A7%D8%B9%D8%B1-%D8%A7%D9%84%D9%84%D9%88%D8%A7%D8%A1-%D8%AE%D9%84%D9%81-%D8%A8%D9%86-%D9%87%D8%B0%D8%A7%D9%84-%D8%A7%D9%84%D8%B9%D8%AA%D9%8A%D8%A8%D9%8A)

أخوي خلف مصاحب للأمير عبدالعزيز بن فهد
فأخاف إنك تروح مشواروماتحصله لذلك
يجب أن تتأكد قبل ذهابك
أيضا له منزل في الرياض
أنصحك طلب رقمه من الاستعلامات
اسمه
خلف هذال محمد الروقي
اطلب هاتفه في الرياض وفي ساجر
وبالتوفيق علما إن قدامك المئاات