محمد يوم تنشد كيف حالي ...

أبيات للتواصل

عسى أن تحوز على رضاكـــم


محمد يوم تنشد كيف حالي=حزين بعد ما ودعت غالي
ما كنت احسب حساب للموادع=الين انه جرا لي ما جرالي
بعد ما حلت الفرقا تكدر =خفوق مع وليفه كان سالي
اقاوم عبرة فالصدر واصبر=وكن اللي جرا ما هز بالي
بعد ما قال لي في وداعة الله =وقفى صرت مهموم لحالي
اجر الصوت واغني طروقي = بدانا دانه ويا لا لا لالي
بعد ما روح الغالي وقفى =من الاحباب ويش اللي بقالي
ياكود الصورة اللي في المخيلة = وذكرى الوقت من مر وحالي
ليالي روحت يا ما وياما =عسى ربي يرجعها ليالي