مرثية أحمد بن شراع الذيابي في ابن اخيه عناد

قصيده للشاعر أحمد بن شراع الذيابي في ابن أخيه الفقيد عناد بن ذياب شراع الذيابي الله يرحمه..





يالله ياللي لك عبادك يصلون=يا منشي مزون السحابه وماها

ياللي بيدك الامر يا مدبر الكون =يا فارج الكربه ومبعد غثاها

يا خالقٍ خلقك من الضعف والهون = علام ما بصدورها من خفاها

لجيت لك يا ملتجى كل مغبون=أشكي عليك الحال يا ملتجاها

إرحم فقيدِ بين الالحاد مدفون = عزيز ودروب الردى ما مشاها

فقيد للنخوه وللجود والعون =ثلاث من دور حداها لقاها

يا عناد قلبي عقب فرقاك محزون =حزني على شرواك ما ينتضاها

يا أغلى على عمك من العين والنون=أنت النظر وأنته لعينه دواها

انت الرفيق اللي على النفس ماامون.=اللي مواجيب الرفيق يحماها

يا عناد والله في قضيتك ما اخون = لو العوازم تدفع اللي وراها

واللي يخونك عساهم يولون =الله لا يبقي شلوة من شلاها

اللي مع الغادر وفعله يميلون = النايبه ترهي عليهم بلاها

يا جعلهم باللي نحسه يحسون =وصدورهم تصدأ ويكثر صداها

لك لابة عن حقهم ما يحيدون = لاشك ما تخطي وترفا وخطاها

وياذيب دام الحق في الدار مضمون =ارقد غرير العين ودرا بكاها

واصبر ترى للصابرين اجر مسنون =نفسٍ صبوره عند ربك جزاها

ياذيب ماهو بالعوض لو يقولون =لكن قضا الدنيا ونقبل قضاها

ويا الله تقبل دعوة اللي يصلون =وتجبر عزا نفسي وتقبل دعاها

,,

صح لسانكـ يابو شراع ورحم الله فقيدنا جميعاً

عناد,,

الله يرحمه

وصح السااااااااانه

صح لسانه والله يرحم الفقيد

:
:
:


الله يعين اخوي الشاعر الخلوق احمد بن شراع

ويلهمه الصبر والسلوان ،، وللامانه فانني اشعر بما يشعر به من اسى.

لكن اعتقد انه غير محق في بيت ورد ضمن ابيات القصيدة..

.


صح لسانه

والله يرحم الفقيد

ويلهم اهله ومحبيه الصبر والإحتساب .

الله يرحمه

وصح السااااااااانه



مشكور ياذعير ,,

صح لسانه والله يرحم الفقيد

لا هنت يالغالي,,,

:
:
:


الله يعين اخوي الشاعر الخلوق احمد بن شراع

ويلهمه الصبر والسلوان ،، وللامانه فانني اشعر بما يشعر به من اسى.

لكن اعتقد انه غير محق في بيت ورد ضمن ابيات القصيدة..



كل الشكر لكـ على المرور المشرف,,

.


صح لسانه

والله يرحم الفقيد

ويلهم اهله ومحبيه الصبر والإحتساب .


هلا يابو عايض

الله يجزاك خير,,,